Aşgabatda kiçi we orta kärhanalar üçin iş ýarmarkasy
Hususy sektordaky iş teklipleri türkmen telekeçileri tarapyndan 9-njy awgustda sagat 9:00-dan 12:00-a çenli Aşgabatda Türkmenistanyň Senagatçylar we telekeçiler birleşmesiniň (TSTB) binasynda geçiriljek iş ýarmarkasynda hödürlener.
Işe ýerleşmek isleýänleriň ýanynda pasporty we zähmet depderçesi bolmaly. Bu çärä gatnaşmak isleýän edara-kärhanalar boş ýerleriniň barlygy barada 1-nji awgusta çenli maglumat berip bilerler.
Iş ýarmarkasyny Aşgabat şäheriniň Zähmet we ilatyň iş bilen üpjünçiligi müdirligi, TSTB we Türkmenistanyň Senagatçylar we telekeçiler partiýasy guraýar.
Goşmaça maglumatlary aşakdaky salgylardan we belgilerden almak mümkin:
Aşgabat şäheriniň Zähmet we ilatyň iş bilen üpjünçiligi müdirligi (Seýitnazar Seýdi köçesi, 3j.) tel: 92-14-56;
Bagtyýarlyk etraby (Bekrewe, 2211-nji köçe, 25j.) tel: 37-46-68;
Berkararlyk etraby (Bekrewe, 2211-nji köçe, 25j.) tel: 37-46-67;
Büzmeýin etraby (Oguzhan köç., 8j.) tel: 33-12-69;
Köpetdag etraby (Seýitnazar Seýdi köç., 3j.) tel: 92-15-26;
Türkmenistanyň Senagatçylar we telekeçiler partiýasy (S. Türkmenbaşy şaýoly, 81j.) tel: 22-74-07.
ORIENT news
