Gruziýa we Türkmenistan öz aralarynda göni howa gatnawyny açýarlar
Türkmenistan hem-de Gruziýa göni howa gatnawyny açmak barada ylalaşdylar – Gruziýanyň Premýer-ministri Irakliý Garibaşwiliniň Aşgabada saparynyň çäklerinde iki ýurduň wekilleri tarapyndan ulag ulgamynda hyzmatdaşlyk etmek hakynda ylalaşyga gol çekildi. Bu resminama Aşgabat bilen Tbilisiniň arasynda göni howa gatnawlaryny ýerine ýetirmäge başlamaga mümkinçilik berer.
Gepleşikleriň barşynda Gruziýanyň önümlerini Türkmenistana eksport etmek üçin päsgelçilikleri aradan aýyrmagyň mümkinçiliklerine garaldy, öz nobatynda, Türkmenistan himiýa senagatynyň önümlerini Gruziýa ibermegi ýola goýup biler.
Saparynyň çäklerinde Gruziýanyň Premýer-ministri Türkmenistanyň Prezidenti bilen duşuşdy. Mundan başgada Gruziýanyň daşary işler ministri Ilýa Darçiaşwiliniň Türkmenistanyň DIM-niň ýolbaşçysy Raşid Meredow bilen duşuşygy geçirildi.
ORIENT news
