Uzynada nebitgaz käninde ýene-de bir has çuň guýy burawlanyp başlandy
Hazaryň kenarýaka zolagyndaky (Balkan welaýatynyň Esenguly etraby) Uzynada nebitgaz käninde 7300 metr bolan täze has çuň guýy burawlanyp başlandy. Munuň nebit käniniň barlanan çäklerini giňeltmäge mümkinçilik berjekdigine garaşylýar. Ozal oňa bilermenler, takmynan, 5 million tonna diýip baha berdiler.
Täze guýy “Türkmengeologiýa” korporasiýasynyň we “Türkmennebit” konserniniň geçiren barlaglarynyň esasynda burawlanýar, şolaryň netijeleri barada çarşenbe güni türkmen hökümetiniň mejlisinde wise-premýer Şahym Abdrahmanow Uzynada meýdançasynyň senagat taýdan özleşdirilişiniň barşy barada hasabat berende habar berdi.
Uzynadanyň serişdelerini özleşdirmäge ARETI halkara kompaniýalar topary (baş edarasy Ženewada, Şweýsariýa) üç ýyl mundan ozal gyzyklanma bidiripdi. 2019-njy ýylda “Türkmennebit” we ARETI HKT-y özara düşünişmek hakynda ähtnama gol çekdiler.
ORIENT news
