Medeniýet ministrligi durmuş-medeni maksatly desgalaryň 10-usynyň düýpli abatlaýyş işlerini geçirer
Türkmenistanyň Medeniýet ministrligi durmuş-medeni maksatly desgalaryň 10-usynyň düýpli abatlaýyş işlerini amala aşyrar. Bu işleri ýerine ýetirmek üçin potratçylary saýlap-seçip almak boýunça şu gün bäsleşik yglan edildi.
Düýpli abatlama işleri geçirilmeli binalaryň arasynda ýurduň ýaşaýjylary tarapyndan köp barylýan we meşhurlyga eýe bolan Türkmenistanyň Döwlet medeni merkeziniň Döwlet muzeýi, Türkmen döwlet gurjak teatry, Türkmenistanyň Alp Arslan adyndaky milli drama teatry, Bazar Amanow adyndaky Döwlet çagalar kitaphanasy bar.
Şeýle hem, Türkmen döwlet medeniýet institutynda, 4-nji çagalar sungat mekdebinde, Gypjakdaky we Bagyrdaky medeniýet öýlerinde, Saparmyrat Türkmenbaşynyň adyny göterýän köşkde we Berdi Kerbabaýew adyndaky kitaphanada düýpli abatlaýyş işlerini geçirmek meýilleşdirilýär.
Bäsleşige gatnaşmak üçin soňky otuz günüň dowamynda Aşgabat şäheri, Bitarap Türkmenistan şaýoly, 461-nji jaý, Türkmenistanyň Medeniýet ministrligi salgysy boýunça ýüz tutup bilersiňiz.
Habarlaşmak üçin telefonlar: 44-00-08, 44-00-32
ORIENT news
