TDHÇMB-niň söwdalary: 20 müň tonna suwuklandyrylan gaz eksporta satyldy
Penşenbe güni 7-nji iýulda Türkmen Döwlet haryt-çig mal biržasynyň söwdalarynda umumy bahasy $10,6 mln bolan suwuklandyrylan tebigy gazy satyn almaga 27 geleşik baglaşyldy diýip, ORIENT-iň habarçysy habar berýär.
STG-niň bahasy soňky satuwlardaky bilen deňeşdirilende, 3,4% pese düşdi we bir tonnasynyň bahasy $531 barabar boldy. Önümi Türkiýäniň, BAE-niň, Özbegistanyň hem-de Owganystanyň telekeçileri satyn aldylar.
“Türkmengaz” döwlet konserniniň kärhanalarynda öndürilen suwuklandyrylan gazyň jemi 20 müň tonnasy Türkmenistandan eksporta ugradylar.
STG-niň iýun aýyndaky ortaça bahalary bilen deňeşdirilende, häzir TDHÇMB-da bu haryt 9,1% gymmat satylýar.
Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
