Türkmenistanyň Prezidenti täze Baş prokurory belledi

Iýul 06, 2022 | 17:29 |23227

Türkmenistanyň Prezidenti Serdar Berdimuhamedow Baş prokuroryň orunbasary, ýustisiýanyň uly geňeşçisi Begmyrat Begmyradowy Türkmenistanyň Baş prokurorynyň wezipesini wagtlaýyn ýerine ýetirmekden boşatdy.

Bu wezipä ýustisiýanyň kiçi geňeşçisi Serdar Mälikgulyýew bellenip, ol Aşgabat şäheriniň prokurory wezipesinden boşadyldy.

Döwlet baştutany degişli resminamalara sişenbe güni, Döwlet howpsuzlyk geňeşiniň şu ýylyň alty aýynyň netijelerine bagyşlanan mejlisiniň dowamynda gol çekdi.

Prezidentiň ýygnakda aýdyşy ýaly, bu karar Türkmenistanyň Milli Geňeşiniň ýokarky palatasy bilen ylalaşyldy.

ORIENT news