TDHÇMB-niň söwdalary: ECO-5 görnüşli dizel ýangyjy eksporta satyldy
Duşenbe güni, 4-nji iýulda Türkmenistanyň Döwlet haryt-çig mal biržasynyň söwdalarynda umumy bahasy $3,9 mln we 390 müň manat bolan 4 geleşik baglaşyldy diýip, ORIENT-iň habarçysy habar berýär.
Türkiýäniň we Owganystanyň telekeçileri söwdalarda ECO-5 (sort-D) görnüşli suw bilen arassalanan dizel ýangyjynyň jemi 3 müň tonnasyny satyn aldylar.
Işewürler dizel ýangyjynyň bir tonnasyny $1 308,50 bahalandyrdylar, bu bolsa soňky söwdalardaky baha bilen deňeşdirilende, 5,3% ýokarydyr. Haryt boýunça geleşikleriň umumy bahasy $3,9 million deň boldy.
Şeýle hem Türkiýäniň wekili söwdalarda manat serişdelerine nah ýüplük satyn aldy. Dokma senagaty ministrliginiň 12 müň kg. önümi eksporta 390 müň manada iberiler.
Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
