TDHÇMB-nyň söwdalary: polipropilen we tehniki uglerod ibermäge geleşikler baglaşyldy
Şenbe güni, 18-nji iýunda Türkmenistanyň Döwlet haryt-çig mal biržasynyň söwdalarynda umumy bahasy $3,7 million bolan 6 geleşik baglaşyldy diýip, ORIENT-iň habarçysy habar berýär.
BEA-niň we Owganystanyň telekeçileri TPP D 30 S görnüşli polipropileniň jemi 2 müň tonnasyny almaga geleşik baglaşdylar. Önümiň bir tonnasynyň bahasy $1 486 deň boldy. Bu haryt boýunça geleşikleriň umumy bahasy $2,9 million barabar boldy.
ABŞ-nyň işewürleri “Türkmenhimiýa” döwlet konserniniň kärhanasynda öndürilen «К-354» görnüşli tehniki uglerodyň 800 tannasyny satyn aldylar. Onuň bir tonnasynyň bahasy $800 deň boldy. Geleşigiň umumy bahasy $640 müň barabar boldy.
Gyrgyzystandan gelen telekeçi söwdalarda $116,1 müň nah ýüplügiň 35,2 müň tonnasyny satyn aldy.
Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgydaky saýtynda tanşyp bolar.
Oba hojalygy, senagat we kommunikasiýa, şeýle hem söwda toplumy boýunça söwdalar duşenbe gününden - anna güni aralygynda 16:00-da, şenbe güni 11:30-da başlanýar. Nebitgaz toplumy boýunça birža söwdalary duşenbe gününden - anna güni aralygynda 16:30-da, şenbe güni 12:00-da geçirilýär.
Şol bir wagtyň özünde-de, şu tmex.gov.tm salgydan biržadaky harytlaryň satuwynyň dowamy bilen hem-de gönüden-göni öndürijiler bilen habarlaşyp bilersiňiz. Şeýle-de biržadaky söwdalaryň satuwy barada bildiriş çap etmek hem mümkin.
ORIENT news
