Okuwlaryny dowam etmek üçin mekdepleriň uçurymlary harby gullugyň möhletini wagtlaýyn yza süýşürmäge mümkinçilik alyp bilerler
Türkmenistanda orta mekdepleriň uçurymlary ýokary we orta hünär okuw mekdeplerine girmäge synaglara gatnaşmak üçin harby gullugyň möhletini wagtlaýyn yza süýşürmäge mümkinçilik alyp bilerler.
Türkmen parlamentiniň ýokary palatasynyň Başlygy Gurbanguly Berdimuhamedow ýaşlar syýasaty babatda milli kanunçylygy kämilleşdirmegiň meselelerine bagyşlanan maslahatda “Ýaşlar barada döwlet syýasaty hakynda” Türkmenistanyň Kanunyna degişli goşmaçany girizmegi teklip etdi.
Ýaşlar giriş synaglaryna gatnaşmaga bir gezek mümkinçilik alarlar diýilip, Milli Geňeşiň Halk Maslahatynyň Başlygynyň başlangyjynda aýdylýar.
Goşmaçany ýaşlarda okuwyň üznüksizligini gazanmak we olary hünäre ugrukdyrmak maksady bilen, agzalan Kanunyň 20-nji maddasynyň 13-nji bendinden soň girizmek teklip edildi.
Türkmenistanda geçirilen bilim özgertmelerinden soň, türkmen ýaşlary orta mekdepleri kämillik ýaşyna ýetenlerinden soň tamamlarlar, bu bolsa okuwlaryny dowam etmäge mümkinçiligi bolmazdan, olary harby gulluga çagyrmak üçin sebäp bolup bilerdi. Kanunçylyga girizmek teklip edilen täze goşmaça şeýle ýagdaýy aradan aýyrmalydyr.
ORIENT news
