Türkmenistanyň Söwda-senagat palatasy telekeçileri Hindistanyň işewürleri bilen wideoaragatnaşyk arkaly duşuşyga çagyrýar
15-nji iýunda Türkmenistanyň Söwda-senagat palatasy wideoaragatnaşyk arkaly türkmen telekeçileriniň Hindistanyň işewürleri bilen duşuşygyny guraýar – diýlip, TSSP-nyň resmi saýtynda habar berilýär. Gepleşiklere gatnaşmaga işewür toparlaryň gyzyklanma bildirýän wekilleriniň hemmesi çagyrylýar.
Duşuşykda hindi tarapyna oba hojalyk, dokma we IT önümlerini öndürýän kompaniýalary wekilçilik eder. Şeýle-de, bu duşuşyga Hindistanyň Türkmenistandaky ilçihanasynyň, Eksporty ösdürmek merkeziniň we Söwda birleşiginiň wekilleri-de gatnaşar.
Duşuşyga gatnaşmaga isleg bildirýänler, şeýle-de goşmaça maglumatlar üçin 2022-nji ýylyň 13-nji iýunyna çenli 39-88-38; 65-93-29 telefon belgileri boýunça ýüz tutup bilerler.
Mundan öň Türkmenistanyň Prezidenti Serdar Berdimuhamedow bilen Hindistanyň döwlet baştutany Ram Nath Kowindiň arasyndaky gepleşikleriň dowamynda ýurtlaryň arasyndaky ikitaraplaýyn söwdany ösdürmek boýunça ylalaşyk gazanylypdy.
Şeýle-de, döwlet baştutanlary iki ýurduň telekeçilerini milli sergilere, işewür forumlara we beýleki ykgysady häsiýertli çärelere işjeň gatnaşmaga çagyrdy.
ORIENT news
