Russiýa Türkmenistandan miwe we gök önümleri satyn almagyň mukdaryny artdyrmaga taýýar
Türkmenistanyň Prezidentiniň oba hojalyk meseleleri boýunça geňeşçisi Annageldi Ýazmyradow Russiýanyň Oba hojalyk ministrliginde Russiýa Federasiýasynyň agrar pudagynyň ýolbaşçysy Dmitriý Patruşew bilen duşuşyp, ikitaraplaýyn söwda hyzmatdaşlygynyň ösüşini ara alyp maslahatlaşdy.
Patruşewiň aýtmagyna görä, Russiýa bilen Türkmenistanyň arasyndaky söwdanyň umumy mukdarynyň 20%-i agrosenagat toplumynyň paýyna düşýär. Ol alynýan önümleriň möçberini artdyrmaga we harytlaryň görnüş sanawyny diwersifikasiýalaşdyrmaga, hususan-da, däne we ýag önümleriniň, şeker we konditer önümleriniň eksportyny artdyrmaga gyzyklanma bildirdi.
Şeýle-de, içerki bazaryň zerurlyklaryny we alyjylaryň isleglerini nazara almak bilen, Russiýa Türkmenistandan miwe we gök önümleri satyn almagyň mukdaryny artdyrmaga taýýar.
ORIENT news
