Putin rus-türkmen uniwersitetini döretmek pikirini goldady
Putin Serdar Berdimuhamedowyň aýdan bilelikdäki Russiýa-Türkmenistan uniwersitetini döretmek pikirini goldady.
“Jenap Prezident pikirini aýtdy. Örän oňat pikir, biz, elbetde, ony -- bilelikdäki Russiýa-Türkmenistan uniwersitetini döretmek pikirini goldarys” diýip, rus Lideri anna güni Türkmenistanyň Prezidenti Serdar Berdimuhamedow bilen geçirilen gepleşikleriň netijeleri boýunça aýtdy.
Şeýle hem Putin: “Biz rus diline we rus medeniýetine sarpaly garalýandygy üçin Türkmenistanyň ýolbaşçylaryna minnetdardyrys” diýip aýtdy hem-de Aşgabatda Puşkin adyndaky bilelikdäki türkmen-rus mekdebiniň hereket edýändigini ýatlatdy. Şol ýerde okuwlar Russiýanyň döwlet ölçegleri hem-de okuw kitaplary boýunça amala aşyrylýar.
“Jenap Prezident bu mekdebiň giňeldilmegine gyzyklanma bildirdi, munuň üçin men oňa örän minnetdardyryn” diýip, Putin sözüniň üstüni ýetirdi.
ORIENT news
