TDHÇMB-niň söwadalary: suwuklandyrylan gazyň we ECO-93 görnüşli benziniň bahalary ýokarlandy
Sişenbe güni, 7-nji iýunda Türkmenistanyň Döwlet haryt-çig mal biržasynyň söwdalarynda umumy bahasy $32,2 million geleşikler baglaşyldy diýip, ORIENT-iň habarçysy habar berýär.
Owganystanyň telekeçileri jemi 3 müň tonna suwuklandyrylan gaz satyn aldylar, önümiň bahasy ozalky söwdalardaky bilen deňeşdirilende, 4% ýokarlandy we bir tonnasy $496 deň boldy. Suwuklandyrylan tebigy gaz boýunça geleşikleriň umumy bahasy $1,4 million barabar boldy.
Türkiýäniň we Owganystanyň telekeçileri $30,7 millionlyk ECO-93 görnüşli awoulag benzininiň 30 müň tonnasyny satyn almaga geleşik baglaşdylar. Ýangyjyň bu görnüşiniň bahasy soňky söwdalardaky bilen deňeşdirilende, 4,6% artdy we bir tonnasy $1 025 deň boldy.
Türkmenistanyň Döwlet haryt-çig mal biržasynyň söwdalaryna şu gün (8-nji iýunda) çykarylýan harytlar baradaky maglumatlar bilen biržanyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
