Prezident Serdar Berdimuhamedow BMG-niň ýokary wezipeli wekilini kabul etdi
– Hepdäniň duşenbe güni Prezident Serdar Berdimuhamedow Birleşen Milletler Guramasynyň Baş sekretarynyň birinji orunbasary, BMG-niň Durnukly ösüş boýunça toparynyň başlygy hanym Amina Mohammedi kabul etdi – diýip, Türkmenistanyň resmi metbugaty habar berýär.
BMG-niň ýokary wezipeli wekili Aşgabada ýakynda Täjigistanda geçiriljek “Durnukly ösüş üçin suw” atly ýokary derejeli ikinji halkara maslahata gatnaşmak maksady bilen Merkezi Aziýa sebitinde amala aşyrýan iş saparynyň çäklerinde geldi.
Taraplar 2030-njy ýyla çenli döwür üçin durnukly ösüş ulgamynda Gün tertibiniň çäklerinde bilelikde işlemegiň mümkinçiligini ara alyp maslahatlaşdylar. Onda beýan edilen wezipeler Türkmenistany durmuş-ykdysady taýdan ösdürmegiň uzakmöhletleýin Milli maksatnamalaryna laýyk gelýär.
ORIENT news
