Daşoguz welaýatynyň häkimine berk käýinç yglan edildi

Iýun 05, 2022 | 16:08 |12035

Çeşme:

Prezident Serdar Berdimuhamedow Daşoguz welaýatynyň häkimi Nazarmyrat Nazarmyradowa işde goýberen kemçilikleri we wezipe borçlaryny talabalaýyk ýerine ýetirmändigi üçin berk käýinç yglan etdi hem-de ýol berlen kemçilikleri gysga wagtda düzetmek oňa soňky gezek duýduryldy.

Prezident oba hojalyk toplumy boýunça wise-premýer Annageldi Ýazmyradowa ýurduň demirgazyk sebitinde pagta ekişini öz wagtynda tamamlamak üçin welaýatyň dolandyryş edarasy bilen bilelikde zerur çäreleri işläp düzmegi tabşyrdy.

Şeýle-de, wise-premýere Daşoguz welaýatynda suw howdanynyň gurluşygy we suw gorlaryny dolandyrmak meselelerini çözmek boýunça teklipleri taýýarlamak tabşyryldy.

ORIENT news