Türkmenistan we dünýä Welosiped gününi baýram edýär
3-nji iýunda, Bütindünýä welosiped gününi Türkmenistan däp boýunça köpçülikleýin welosipedli ýörişler bilen belleýär. Aşgabatda köpmüň adamlyk bu çäre ýurduň ýolbaşçylarynyň, daşary ýurtly diplomatlaryň we halkara guramalaryň Türkmenistanda işleýän wekilleriniň, türgenleriň hem-de talyplaryň gatnaşmagynda geçirilýär.
Ýoluň kesgitlenen ugry hem hemişekiler ýaly bolup, Köpetdagyň eteklerinden, Çandybil şaýolundan paýtagtyň merkezine – Ruhyýet köşgüne çenli geçýär.
ORIENT-iň maglumatlaryna görä, şu ýyl hususy awtoulag serişdeleriniň hereketine çäklendirme göz öňünde tutulmaýar (irden welosipedli ýörişiň geçjek köçelerinden başgalarda).
Ençeme ýurtlar bu baýramy Türkmenistan bilen birlikde indi bäşinji gezek bellärler. Geçen şu birnäçe ýyllarda ony hemmeler halady we ýokary baha berdiler. Bu bolsa biziň häzirki üýtgäp durýan çylşyrymly dünýämizde döwletleriň, halklaryň, halkara guramalaryň agzybirliginiň seýrek ýüze çykmasydyr.
Türkmenistanyň teklibi boýunça BMG-niň Baş Assambleýasy tarapyndan kabul edilen Welosiped güni hakyndaky Kararnama Milletler Bileleşigine agza ýurtlary “möhüm strategiýalarda welosipede aýratyn üns bermäge... we jemgyýetçilikleri birleşdirýän welosipede degişli ulgamlaýyn düzümi halkara, sebit, milli we milletara syýasatlara hem-de ösüş maksatnamalaryna girizmage”çagyrýar.
ORIENT news
