Türkmenistanyň Maliýe ministrligi döwlet eýeçiligindäki emläkleri satmak boýunça bäsleşikli söwdalary ilkinji gezek onlaýn arkaly geçirer
16-njy iýunda Türkmenistanyň Maliýe we ykdysadyýet ministrligi döwlet eýeçiligindäki emläkleri satmak boýunça bäsleşikli söwdalary ilkinji gezek onlaýn arkaly geçirer diýlip, edaranyň bildirişinde aýdylýar.
Bäsleşikli söwdalar döwlet emlägini satmak boýunça geçirilýän söwdalaryň sanly meýdançasynda e.fineconomic.gov.tm hem-de Android üçin mobil goşundylar arkaly we iOS üçin 10:00-da başlanýar. Bu platforma barada ORIENT şu salgyda ýazypdy.
Hususy eýeçilige satmaga 28 lot çykarylar, şolar Türkmenistanyň Söwda ministrligine, Oba hojalyk ministrligine, Suw hojalygy baradaky döwlet komitetine, “Türkmenawtoulaglary” agentligine, Ýol gurluşyklaryny dolandyrmak baradaky döwlet agentligine, “Türkmenhaly” döwlet birleşigine, “Türkmenhimiýa” döwlet konsernine hem-de Daşoguz, Lebap we Mary welaýat häkimliklerine degişlidir.
Bäsleşikli söwdalarda iň ýokary başlangyç baha Türkmenabatdaky “Lebapdaşarysöwda” daşary ykdysady birleşigine degişli bolan “Döwrebap” söwda-dynç alyş merkezi üçin goýlar. Ol alyja 51,8 million manada düşüp biler.
Has arzan lot – Lebap welaýatynyň Alyjylar jemgyýetleri birleşiginiň “Hojambaz” sarp edijiler birleşiginiň limonarisidir. Onuň başlangyç nyrhy 71,6 müň manat bahalandyrylýar.
Ähli lotlara degişli PDF görnüşdäki tablisany şu salgydan этой ссылке ýükläp bolar.
Bäsleşikli söwdalara tassyklanan görnüşde arza beren, bellenilen möhletde ujundan pul hem-de ýörite ýygym geçiren Türkmenistanyň raýatlary, daşary ýurtlylar hem-de döwlete degişli bolmadyk edara görnüşli taraplar gatnaşyp biler. Arzalary Maliýe ministrligi kabul edýär.
Şeýle hem “Döwletiň garamagyndan aýyrmak we döwlet emlägini hususylaşdyrmak hakynda” Türkmenistanyň Kanuny bilen tanyşmagy maslahat berýäris.
ORIENT news
