Türkmenistanyň SSE-siniň işi ISO halkara sertifikatyna eýe boldy
Türkmen halysynyň baýramyna bagyşlanylyp geçirilen serginiň dowamynda Türkmenistanyň Söwda-senagat edarasyna ISO 9001:2015 (hil menejment ulgamy) halkara sertifikaty gowşuryldy.
Slowakiýanyň sertifikatlaşdyrmak baradaky CERT Inernational esarasy tarapyndan berlen resminama Türkmenistanyň SSE-siniň sergileri hem-de ýarmarkalary guramak bilen meşgullanýan bölüminiň işgärleri mynasyp boldy. Hil menejmenti ulgamyna baha bermeklik «Halkara Standart Hyzmatlary» türkmen hususy kärhanasy tarapyndan geçirildi.
Türkmenistanyň Söwda-senagat edarasynyň iş alyp barýan ugurlary örän giňdir: Türkmenistanyň ykdysadyýetini ösdürmäge, onuň dünýä hojalyk gatnaşyklary ulgamyna goşulyşmagyna ýardam bermek, häzirki zamanyň senagat, maliýe we söwda düzümlerini kemala getirmek, telekeçilik işleri üçin amatly şertleri döretmek, daşary ýurtly hyzmatdaşlar bilen söwda-ykdysady, ylmy we tehniki gatnaşyklary ýola goýmaga goldaw bermek şol ugurlara degişlidir.
ORIENT news
