Türkmen Lideri BAE-niň Prezidentiniň aradan çykmagy zerarly gynanç bildiri
Türkmenistanyň Prezidenti Serdar Berdimuhamedow BAE-niň Prezidenti şeýh Halifa bin Zaýed Al Nahaýýanyň aradaan çykandygy zerarly, Birleşen Arap Emirlikleriniň ýolbaşçylaryna gynanç hatyny iberdi.
Hormatly Prezidentimiz hatynda BAE-niň Prezidentiniň ýurdy ynamly rowaçlandyrmaga we dünýäniň ýurtlary bilen netijeli, özara bahbitli gatnaşyklary ösdürmäge ajaýyp goşandyny belledi.
Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow hem Birleşen Arap Emirlikleriniň ýolbaşçylaryna gynanjyny iberdi. Ol şeýh Halifa bin Zaýed Al Nahaýýan baradaky ýatlamanyň türkmen halkynyň ýüreginde hemişelik galjakdygyny nygtady.
BAE-niň Prezidenti uzaga çeken keselinden soň, anna güni, 13-nji maýda 73 ýaşynda aradan çykdy. Ýurtda 40 gün dowam etjek milli ýas güni yglan edildi. BAE-de üç günüň dowamynda ministrlikler, döwlet edaralary we hususy ulgamyň kärhanalary işlemezler.
ORIENT news
