Matwiýenkonyň ýolbaşçylygyndaky Russiýa Federasiýasynyň Federasiýa Geňeşiniň wekiliýeti Türkmenistana geldi
Çarşenbe güni Merkezi Aziýa ýurtlarynyň we Russiýanyň ilkinji Parlamentara forumyna gatnaşmak üçin Russiýa Federasiýasynyň Federal Ýygnagynyň Federasiýa Geňeşiniň başlygy Walentina Matwiýenkonyň ýolbaşçylygyndaky wekiliýet Türkmenistana geldi diýip, edaranyň metbugat gullugy habar berýär.
Şeýle hem Matwiýenko Zenanlaryň dialogynyň umumy mejlisine gatnaşar, şonda işewürlikde, maglumat tehnologiýalarynyň ösdürilişinde we sanlylaşdyrmagyň öňe ilerledilişinde zenanlaryň eýeleýän orny ara alnyp maslahatlaşylar.
Matwiýenkonyň Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow hem-de Milli Geňeşiň Mejlisiniň ýolbaşçysy Gülşat Mämmedowa bilen duşuşyklary meýilleşdirilýär.
Federasiýa Geňeşiniň wekiliýetiniň düzümine, şeýle hem başlygyň orunbasarlary Galina Karelowa we Konstantin Kosaçew hem-de Federasiýa Geňeşiniň halkara işleri, ylym, bilim we medeniýet, şeýle hem durmuş syýasaty boýunça komitetleriniň ýolbaşçylary girdiler.
Merkezi Aziýa ýurtlarynyň we Russiýanyň Parlamentara forumy hem-de Zenanlarynyň dialogy Halk Maslahatynyň Başlygy Gurbanguly Berdimuhamedowyň başlangyjy bilen Aşgabatda 12-13-nji maýda geçiriler.
Bu çäreleriň parahatçylygy, durnukly ösüşi üpjün etmek babatda gatnaşyklary pugtalandyrmakda we möhüm durmuş-ykdysady hem-de ekologiýa meselelerini çözmekde täze mümkinçilikleri açmagyna garaşylýar.
ORIENT news
