Türkmenistanyň Oguz han adyndaky Inžener-tehnologiýalar uniwersitetinde emeli aň boýunça maslahat geçiriler
Türkmenistanyň Oguz han adyndaky Inžener-tehnologiýalar uniwersiteti alymlary, mugallymlary, talyplary we hünärmenleri halkara ylmy-amaly maslahata gatnaşmaga çagyrýar. Forum 28-nji oktýabrda sanly formatda geçiriler.
Maslahatyň mowzugy — «Milli emeli aň tehnologiýalary: sanly ykdysadyýet, akylly diwersifikasiýa, durnukly ösüş». Onlaýn maslahat önümçilige akylly tehnologiýalaryň ornaşdyrylmagy, tejribe alyşmak we ýaş alymlaryň geljegi uly işläp taýýarlamalaryny goldamak meselelerini ara alyp maslahatlaşmak üçin halkara meýdança bolar.
Nädip gatnaşmaly?
Maslahata gatnaşmak üçin bellenen talaplara laýyklykda ylmy makalalary ýa-da tezisleri taýýarlap, etut.conference@gmail.com elektron poçta salgysyna ibermeli. Düzgünleriň talaplary berjaý edilmezden taýýarlanan ýa-da görkezilen möhletden giç iberilen materiallar garalmaga we çap edilmäge kabul edilmeýär.
Işleri kabul etmegiň soňky möhleti: 10-njy oktýabr.
Maslahata gatnaşmak hünärmenlere öz ylmy pikirlerini halkara jemgyýetçiligine hödürlemäge we emeli aň ulgamyndaky öňdebaryjy ugurlar bilen tanyşmaga mümkinçilik berer.
Habarlaşmak üçin maglumatlar:
Salgysy: Aşgabat şäheri, Taslama köçesi, 100-nji jaý (Türkmenistanyň Oguz han adyndaky Inžener-tehnologiýalar uniwersiteti)
Telefon: +993 63 828068
E-mail: etut.conference@gmail.com
ORIENT
