Huawei Watch Ultimate 2 akylly sagatlary iki täze sport görnüşine eýe boldy
Huawei kompaniýasy premium derejeli Watch Ultimate 2 akylly sagatlarynyň hataryny giňeldip, Snow White we DESCENTE Edition atly täze görnüşlerini hödürledi. Snow White görnüşi suw geçirmeýän neýlon gaýyş bilen utgaşýan ajaýyp ak-melewşe bezelli görnüşde taýýarlanypdyr. DESCENTE Edition modeli bolsa keramiki elementler bilen bezelen goýy çal reňkli dizaýna eýedir.
Esasy funksional täzelik gyşky sport görnüşleri üçin kämilleşdirilen mümkinçilikler boldy. Sagatlar dag we ylgamak lyža, snoubord hem-de lyža alpinizmi ýaly alty sany ýöriteleşdirilen düzgüni goldaýar. Enjam ugurlary ýükläp bilýär, beýikligi yzarlaýar, aşak düşülýän wagty tizligi awtomatiki hasaba alýar we öwrümleriň ýygylygyny sanap bilýär.
Täze modeller esasy görnüşiň ähli möhüm aýratynlyklaryny saklapdyr: iň ýokary ýagtylygy 3500 nit bolan aýdyň AMOLED displeýi, 150 metre çenli çuňluga suwa çümdürilmäge mümkinçilik berýän suw geçirmezlik goragy, eSIM goldawy, sonar aragatnaşygy we BeiDou hemra habarlary.
Saglyk ýagdaýyna gözegçilik etmek üçin EKG, gandaky kislorodyň derejesini ölçemek we ukyny jikme-jik seljermek mümkinçilikleri göz öňünde tutulypdyr. Enjamyň batareýasynyň işjeňlik möhleti 11 güne çenli ýetýär.
ORIENT
