Minimal Phone 2 tanyşdyryldy: aýdyň OLED ekrany bolan QWERTY klawiaturaly smartfon
Minimal kompaniýasy täze Android-smartfony — Minimal Phone 2 modelini tanyşdyrdy. Ilkinji modelden esasy tapawudy gara-ak E Ink ekranynyň ýerine 90 Hz täzeleniş ýygylygy bolan aýdyň, doly reňkli OLED displeýiniň ulanylmagydyr. Şol bir wagtyň özünde enjamyň esasy aýratynlygy — amatly fiziki QWERTY klawiaturasy saklanyp galypdyr.
Ekranyň aşagynda klawiaturanyň ýerleşýändigine garamazdan, telefon jübä aňsatlyk bilen sygýar: ölçegleri 122,6 × 72 × 9,48 mm. Enjamyň içinde kuwwatly MediaTek Dimensity 8300 prosessory we 3000 mAh sygymly akkumulýator ýerleşdirilipdir. Smartfon 27 W kuwwatly simli we 15 W simsiz zarýad bermegi goldaýar.
Surat düşürmek üçin 50 MP esasy kamera we 20 MP öň kamera göz öňünde tutulypdyr. Smartfonda barmak yzyny tanaýjy skaner, eSIM, NFC, şeýle hem simli gulaklyklar üçin adaty 3,5 mm audio birikdirijisi bar.
Smartfon 256 GB we 512 GB içerki ýady bolan adaty görnüşlerde gara (Onyx) we ak (Pearl) reňklerde çykarylar. Şeýle hem Founder’s Edition atly aýratyn görnüş — Ember atly gyzyl-mämişi reňkde hödürlendi. Täze model döwrebap reňkli ekrany bolan amatly klawiaturaly smartfon gözleýän ulanyjylar üçin örän laýyk bolar.
ORIENT
