Tor arkaly iPhone 18 modeliniň tanyşdyrylyş senesiniň ähtimal wagty mälim edildi
Apple kompaniýasy adaty sentýabr tanyşdyrylyş dabarasyna taýýarlyk görüp başlady we onuň geçiriljek möhletini gytaklaýyn tassyklady. Bloomberg-iň habar bermegine görä, redaksiýanyň ygtyýaryna ABŞ-daky Apple Store dükanlary üçin niýetlenen içerki bildiriş gelip gowuşdy.
Kompaniýa Kaliforniýada geçiriljek çäräni guramakda ýardam bermek üçin işgärleri saýlap alýar. Arzalar 8-nji awgusta çenli kabul ediler, jemleýji sanaw bolsa 17-nji awgustda tassyklanar. Resminamada çäräniň sentýabryň birinji ýarymynda geçiriljekdigi görkezilýär.
ABŞ-da Zähmet güni 7-nji sentýabra gabat gelýändigi sebäpli, Bloomberg-iň bilermenleri tanyşdyrylyşyň iň ähtimal senesi hökmünde 9-njy sentýabr, çarşenbe gününi görkezýärler. Tanyşdyryşda iPhone 18 hatarynyň, 18 Pro flagmanlarynyň hem-de kompaniýanyň ilkinji eplenýän smartfonynyň görkezilmegine garaşylýar.
Bu senäniň tassyklanmagy ýagdaýynda, enjamlara öňünden sargyt kabul etmek tanyşdyrylyşdan soňky ilkinji anna güni başlanar, resmi satuw bolsa bir hepde soň badalga alar.
ORIENT
