Hindistanyň Türkmenistandaky ilçihanasy «Hindistany tana» atly onlaýn bäsleşige gatnaşmaga çagyrýar
Türkmenistandaky hindi diasporasynyň wekilleri hem-de hindi medeniýetiniň ähli muşdaklary «Bharat Ko Janiye» («Hindistany tana») atly ýörite onlaýn bäsleşige gatnaşmaga çagyrylýar. Bu halkara bilim taslamasy Hindistanyň Garaşsyzlyk güni mynasybetli geçirilýär.
Intellektual bäsleşigi 3–14-nji awgust aralygynda interaktiw görnüşde geçiriler. Gatnaşyjylar ýurduň taryhy, baý medeni mirasy, däp-dessurlary we häzirki zaman gazananlary baradaky bilimlerini barlap, has-da giňeldip bilerler.
Islendik gyzyklanýan adam bäsleşige gatnaşyp biler. Munuň üçin taslamanyň resmi web sahypasynda bkjquiz.com salgysynda hasaba durmaly ýa-da çäräniň maglumat afişasyndaky QR kody skanirlemeli.
Onlaýn bäsleşik wagty gyzykly geçirmek we hindi medeniýetiniň köptaraply dünýäsi bilen has içgin tanyşmak üçin ajaýyp mümkinçilikdir.
ORIENT
