Google Pixel Tag akylly belligini — Apple AirTag-yň bäsdeşini tanyşdyrmaga taýýarlanýar
Google kompaniýasy ýitirilen zatlary tapmak üçin niýetlenen öz Bluetooth-trekeri Pixel Tag üstünde işleýär. Täze enjam Apple AirTag bilen bäsleşip, kompaniýanyň akylly enjamlarynyň ekoulgamyny giňeltmegi maksat edinýär.
Täze enjam uzynja süýri tegelek görnüşde taýýarlanypdyr. Ony dürli zatlara berkitmek üçin ýörite açarhalka görnüşli gapjagazlar zerur bolar. Trekeriň esasy mümkinçilikleri şulardan ybarat:
• Google Find Hub bilen utgaşdyrylyşy — smartfon arkaly enjamyň ýerleşýän ýerini amatly yzarlamaga mümkinçilik berýär;
• Güýçli içerki ses çykaryjy — golaýdaky zady tiz tapmaga kömek edýär;
• Gizlinligi goramak — rugsatsyz yzarlamagyň öňüni alýan içerki howpsuzlyk mehanizmleri bilen üpjün edilendir.
Enjamyň resmi tanyşdyrylyşy 12-nji awgustda geçiriler. Batareýanyň görnüşi we UWB takyk gözleg tehnologiýasynyň goldawy ýaly ähli aýratynlyklar şol çäräniň dowamynda mälim ediler.
ORIENT
