Türkmenistanyň Döwlet sirki «JADYLY ÄLEM» atly ajaýyp tomaşa çagyrýar
Türkmenistanyň Döwlet sirki paýtagtymyzyň ýaşaýjylaryny we myhmanlaryny «JADYLY ÄLEM» atly täsirli sirk tomaşasyna çagyrýar. Baýramçylyk maksatnamasy şu ýekşenbe — 28-nji iýunda sagat 18:00-da geçiriler. Tomaşa dynç güni maşgala bolup wagt geçirmek üçin ajaýyp mümkinçilik bolar.
Myhmanlara iň oňat sirk artistleriniň gatnaşmagynda baý we gyzykly maksatnama hödürlener. Arenada dünýäniň dürli künjeklerinden getirilen tälim berlen haýwanlaryň, akrobatlaryň, žonglýorlaryň hem-de täze gülküli çykyşlary bilen çykyş etjek klounlaryň tomaşalary görkeziler.
Agşamyň esasy bezegi hökmünde meşhur «Galkynyş» milli at üstündäki oýunlar toparynyň we «Türkmen jigitleri» toparynyň ussat çapyksuwarlarynyň täsirli çykyşlary görkeziler. Şeýle hem «Gündogar ýyldyzlary» milli toparynyň ýaş zehinleri özleriniň öwüşginli we ýokary ussatlykdaky çykyşlaryny hödürlärler.
Tomaşaçylar üçin petekler Türkmenistanyň Döwlet sirkiniň resmi web sahypasy arkaly onlaýn görnüşde satuwa çykaryldy: https://sirk.gov.tm/.
Habarlaşmak üçin telefon belgileri: (+993 12) 39-80-44; 39-80-45; 36-10-95; 36-10-34.
