Russiýa we Türkmenistan biologik howpsuzlygy üpjün etmek ulgamyndaky garaýyşlaryny utgaşdyrdylar
9-njy iýunda Moskwada biologik howpsuzlygyň möhüm meselelerine bagyşlanan rus-türkmen pudakara geňeşmeleri geçirildi. Duşuşygyň dowamynda iki ýurduň diplomatlary we degişli bilermenleri ählumumy we sebit derejesindäki biologik howplar barada jikme-jik pikir alyşdylar diýip, RF-niň DIM-i habar berýär.
Taraplar ozal gazanylan ylalaşyklary iş ýüzünde durmuşa geçirmäge aýratyn üns berdiler we ýakyn geljek üçin anyk bilelikdäki çäreleriň toplumyny bellediler. Şeýle hem, gün tertibine aragatnaşyk ýollaryny kämilleşdirmek we bu ulgamda pudakara özara hereketleriň netijeliligini ýokarlandyrmak meseleleri girizildi.
Geçirilen geňeşmeleriň tapgyry Aşgabat bilen Moskwanyň halkara biohowpsuzlygynyň esasy ugurlaryna bolan çemeleşmeleriniň birdigini görkezdi. Dialoga gatnaşyjylar utgaşdyrmagy çuňlaşdyrmagyň zerurdygy barada umumy pikiri beýan etdiler. Bu hyzmatdaşlyk hem ikitaraplaýyn formatda, hem-de abraýly köptaraplaýyn meýdançalarda ösdüriler. Olaryň arasynda esasy ugurlar hökmünde BMG-niň Baş Assambleýasy, Garaşsyz Döwletleriň Arkalaşygy we Biologik we toksin ýaraglaryny gadagan etmek baradaky konwensiýa görkezildi.
