Türkmenbaşynyň halkara deňiz porty üstümizdäki ýylyň bäş aýynyň dowamynda Bakudan 213 gämini kabul etdi. Gaýdyşyn ugur boýunça bolsa 214 gämi ugradyldy - diýip, «Neýtralnyý Turkmenistan» gazeti habar berýär.
Türkmenistanyň Söwda we daşary ykdysady aragatnaşyklar ministrligine Ýaponiýanyň Osaka şäherinde 2025-nji ýylda geçiriljek “EKSPO — 2025” Bütindünýä sergisine gatnaşmak üçin Türkmenistanyň milli pawilýonynyň taslamasyny düzmek we ony ýanaşyk ýerlerini abadanlaşdyryp, ulanmaga doly taýýar edip gurmak hem-de beýleki degişli işleri ýerine ýetirmek barada “Belli” hojalyk jemgyýeti bilen şertnama baglaşmaga ygtyýar berildi.
Horasan Rezawi welaýatynyň dolandyryş merkezi Maşadyň Söwda palatasynda, iki ýurduň arasynda söwda we maýa goýum gatnaşyklaryny ösdürmek, eksport mümkinçiliklerini artdyrmak maksady bilen Türkmenistanyň we Eýranyň işewür wekiliýetleriniň duşuşygy geçirildi. Iki gün dowam eden bu çäre iki ýurduň söwda we senagat palatalary tarapyndan guraldy diýip, Tahlilbazaar ýazýar.
Merkezi Aziýa ýurtlarynyň bäşisiniň parlament syýasy partiýalarynyň wekilleriniň bilelikdäki wekiliýeti iýun aýynyň 14-den 17-i aralygynda Hytaýyň gündogaryndaky Anhoý welaýatyna baryp, HHR-nyň Kommunistik partiýanyň ýerli komitetiniň we dolandyryş edaralarynyň ýolbaşçylary bilen birnäçe resmi duşuşyk geçirdi.
USAID-iň Häzirki zaman hünärleri ösdürmek taslamasy “Akylly hyzmat” hojalyk jemgyýetiniň okuw merkezi bilen bilelikde guraýan «TechYouth Bootcamp» maksatnamasy boýunça okuw kurslarynyň Mary şäheriniň Aga Hanjaýew köçesiniň 15-nji “A” jaýynda ýerleşýän okuw binasynda geçirilýändigini we oňa gatnaşmak üçin ýüz tutmalaryň kabul edilşiginiň başlanýandygy barada habar berýär.
Amerikanyň Varda kompaniýasy orbitada derman öndürýän zawod gurmakçy. Bu ýerde dermanlar mikrograwitasiýa şertlerinde öndüriler. Aslynda, älemde ösdürilip ýetişdirilen belok kristallary ýerdäki gurluşlar bilen deňeşdirilende, olaryň siňdirilmegini gowulandyrjak we ýaramlylyk möhletini uzaltjak has kämil gurluşlary emele getirip biler.
Türkmenistanyň Prezidenti Serdar Berdimuhamedow Türkmenistanyň Metan boýunça global borçnama goşulmak meselesini öwrenmek maksady bilen 2023- 2024-nji ýyllar üçin halkara hyzmatdaşlygyny ösdürmek boýunça ýol kartasyny tassyklady.
Türkmenistanyň milli ýygyndysy Merkezi Aziýa Futbol assosiasiýasynyň CAFA Nations Cup-2023 – Milletler kubogynyň üçünji tapgyrynda Omanyň toparyndan ýeňildi.
Eýranyň Söwda, senagat, dag-magdan we oba hojalygy palatasynyň (ICCIMA) başlygy Golam-Huseýin Şafei Özbegistana Eýran bilen söwda gatnaşyklaryny giňeltmek üçin ulag meselesini Türkmenistanyň kömegi bilen çözmegi teklip etdi.
Astrahan gämi gatnaw kompaniýalary, Hazar deňzinde Astrahan bilen Türkmenbaşy türkmen portunyň arasynda gämi gatnaw ýolunyň döredilmegine gatnaşmaga taýýar. Sebitde floty gurmak mümkinçiliginiň bar diýip, Sankt- Peterburg halkara ykdysady forumynyň (SPIEF) çäginde Astrahan sebitiniň gubernatory Igor Babuşkin aýtdy diýip TASS habar berýär.
Ýewropanyň uçar gurluşyk ägirdi Airbus howa gatnawçylaryndan we lizing kompaniýalaryndan 20 ýylda 40,85 müň täze raýat uçary üçin sargyt bermegine garaşýar.
«Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynda» bellenen wezipeleri üstünlikli durmuşa geçirmek, ilatymyzyň ýaşaýyş derejesini has-da ýokarlandyrmak, sebitlerde senagat pudagyny ösdürmek, klaster taslamasyny durmuşa geçirmek maksady bilen, Türkmenistanyň Prezidenti Karara gol çekdi.
Türkmenistanyň Ýaponiýadaky ilçisi Atadurdy Baýramow Ýaponiýanyň sanly işler ministri Taro Kono bilen duşuşdy. Bu barada diplomatik wekilhananyň resmi saýtynda habar berilýär.
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlangyjy boýunça, öňdebaryjy täze tehnologiýalary ulanmak arkaly “akylly” şäher konsepsiýasyna laýyklykda gurlan Arkadag şäheriniň açylyşyny ýokary derejede we guramaçylykly geçirmek maksady bilen, Türkmenistanyň Prezidenti Karara gol çekdi.
Russiýa we Gazagystan nebiti Gazagystanyň üsti bilen daşamak baradaky şertnamany 2033-nji ýylyň ahyryna çenli uzaltmak barada karara geldiler – diýip, Trend habar berýär.
