Täjigistan Respublikanyň gündogaryndaky Gorno-Badahşan awtonom welaýatynda ýoluň gurulmagy we durkunyň täzelenmegi üçin 227 million dollar bölünip berler. Bu ýol Hytaýdan Ýewropa çenli ulag geçelgesiniň bir bölegine öwrüler.
Türkmen ýeňil atletikaçysy Alişer Sadullaýew 19-njy awgustdan 27-nji awgust aralygynda Budapeştde geçiriljek dünýä çempionatynda çykyş eder. Türgen Halkara ýeňil atletika federasiýalarynyň assosiasiýasyndan kwota aldy we 100 metr aralyga ylgamakda ýurdumyza wekilçilik eder.
Wengriýanyň premýer-ministri Wiktor Orban Türkmenistanyň Prezidenti Serdar Berdimuhamedowyň adyna ýollan çakylygynda, döwlet Baştutanymyzy Budapeştde geçiriljek ýeňil atletika boýunça dünýä çempionatynyň açylyş dabarasyna çagyrdy. Bu barada Türkmen döwlet telewideniýe we radiosynyň agşamky ýaýlymynda habar berildi.
Türkmenistanyň we Braziliýanyň Gazagystandaky diplomatik wekilhanalarynyň ýolbaşçylary özara peýdaly hyzmatdaşlygy güýçlendirmek meseleleri ara alyp maslahatlaşdylar. Bu barada Türkmenistanyň ilçihanasynyň Telegramdaky resmi sahypasynda habar berildi.
Sinszýan-Uýgur awtonom etrabynyň paýtagty Urumçide "Ýüpek ýolunyň ruhuny wagyz etmek, ýewraziýa hyzmatdaşlygyny güýçlendirmek" ady bilen halkara sergisi açyldy.
Ýönekeýlik we sadalyk Koko Şaneliň estetikasynyň esasyna öwrüldi, ägrt moda imperiýasynyň düýbüni tutujy ömrüniň ahyryna çenli gaýçyny ýanyndan aýyrmady, mydam artykmaç we gödek hasaplan zatlarynykesip aýyrmaga taýýardy.
19-20-nji awgustda Russiýanyň Kazan şäherinde ýaşlar sport uniwersidasynyň geçirilmeginiň 10 ýyllygyna bagyşlanyp, "Tagamly Kazan" ady bilen iýmit festiwaly geçiriler. Bu çärä gatnaşyjy myhmanlar şäheriň 80 töweregi restoranynyň we garbanyşhanasynyň taýýarlan dünýäniň dürli halklarynyň tagamlary dan lezzet alyp bilerler.
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň "Türkmenaragatnaşyk" agentligi we Koreýa Respublikasynyň "LC Cable & System" kompaniýasy hyzmatdaşlyk boýunça gepleşikleri geçirdiler. Onda bilelikdäki taslamalary durmuşa geçirmegiň meseleleri ara alnyp maslahatlaşyldy diýip, ýurdumyzyň Koreýa Respublikasyndaky ilçihanasy habar berýär.
Wengriýanyň daşary işler ministri Peter Siýýarto 19-20-njy awgustda Türkmenistanyň Prezidentiniň Wengriýa saparyny amala aşyrjakdygyny habar berdi diýip, köpçülikleýin habar beriş serişdeleri ýokary wezipeli döwlet işgäriniň aýdanlaryna salgylanýarlar.
Türkmenistanyň Täjigistan Respublikasyndaky Adatdan daşary we doly ygtyýarly ilçisi Aýmyrat Goçmyradow türk kärdeşi bilen türkmen-türk hyzmatdaşlygynyň giň ugurlaryny ara alyp maslahatlaşdylar. Bu barada Türkmenistanyň Täjigistandaky ilçihanasy habar berýär.
24-nji awgustda paýtagtyň Aşgabat kinoteatrynda Ukrain kinosynyň hepdeliginiň dabaraly açylyşy bolar. Bu barada ORIENT-iň habarçysyna Ukrainanyň Türkmenistandaky ilçihanasynda habar berdiler.
Russiýa Federasiýanyň daşary işler ministri Sergeý Lawrow Türkmenistanyň, Gazagystanyň, Azerbaýjanyň we Eýranyň ilçileri bilen Hazarýaka döwletleriniň daşary işler ministrleriniň Moskwada geçiriljek duşuşygyna taýýarlyk meselelerini ara alyp maslahatlaşdy diýip, RF-iň DIM-niň metbugat gullugy habar berýär.
Türkmenistanyň Daşky gurşawy goramak ministri Çarygeldi Babanyýazow bilen Eýranyň daşky gurşawy goramak boýunça departamentiniň başlygynyň orunbasary Iradj Heşmati daşky gurşawy goramak we çölleşmäge garşy göreşmek boýunça bilelikdäki çäreler babatda ikitaraplaýyn hyzmatdaşlygyň meselelerini ara alyp maslahatlaşdylar diýip, Tehran Times habar berýär.
“Şagadamyň” soňky dört oýnuň jemleri boýunça toplan utuk sanyndan kenarýakaly janköýerleriniň nägilelik derejesini aňmak üçin pal atmagyň geregi ýok. Aýratyn-da, asla top geçirilmedik ýagdaýda. Ikinji tapgyrda Türkmenbaşy şäheriniň kluby ýekeje gol hem geçirip bilmedi.
Emeli intellekt (EI) we VR-şlemi bilen skrining barlagyny geçirmek üçin «ölmezlik kapsulasy» diýilýän özboluşly enjam toplumy, Tatarstanyň alymlary we lukmanlary Kazanda döretdiler. Gadjetiň esasy wezipesi, döwrebap anyklaýyş arkaly adamyň ömrüni uzaldar diýip, «Komsomolskaýa Prawda» ýazýar.
