Wirtual dünýäde Ýakyn Gündogara hyýaly syýahat edýänleriň sany artýar
Sentýabr 19, 2023 | 19:20 |3900
Emeli intellektiň goşulmagy arkaly hakykylygy ýokarlandyrylan tehnologiýanyň kömegi bilen wirtual dünýäde Ýakyn Gündogar ýurtlaryna syýahat edýänleriň sany artýar.
Bu babatda Birleşen Arap Emirlikleri we Ysraýyl Döwleti öňdäki orny eýeleýär. Witual syýahatlary guraýan "Voyagu" onlaýn platformasynyň berýän maglumatlaryna görä, bu iki ýurda wirtual görnüşde syýahat edenleriň sany umumy mukdaryň degişlilikde 27,9 göterimini we 23,8 göterimini düzýär.
Hyýaly görnüşde Müsüre syýahat edýänleriň sany hem geçen ýyldakydan 80 göterim ýokarlanypdyr, bu ýurda syýahata isleg bildirenleriň möçberi hem 64 göterim artypdyr.
Dürli ýurtlara wirtual syýahatçylyk adamlara şol ýurt barada aňsat usulda has ýakyndan tanyşmaga mümkinçilik berýär.
ORIENT news
