Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň jemi bahasy ABŞ-nyň 77 million 668 müň dollaryndan gowrak boldy diýip, Türkmenistanyň Döwlet habarlar agentligi habar berýär.
Anadolynyň baý gastronomiki medeniýetini öz içine alýan Türk aşhanasynyň hepdeligi 2024-nji ýylyň 21-nji maýyndan 27-nji maýyna çenli bütin dünýäde belleniler. Hepdeligiň dowamynda dünýä belli bu aşhananyň tagamly, sagdyn milli we galyndysyz naharlary Türkiýe Respublikasynyň daşary ýurtlardaky wekilhanalarynda geçiriljek dürli çärelerde hödürlener.
Şu ýylyň oktýabr aýynda Ermenistanyň Türkmenistandaky Medeniýet günleri geçiriler. Bu barada Türkmenistanyň medeniýet ministri Atageldi Şamyradow bilen Ermenistanyň bilim, ylym, medeniýet we sport ministri Žanna Andreasýanyň arasyndaky gepleşiklerde pikir alşyldy. Duşuşyk 17-18-nji maý aralygynda Aşgabatda geçirilen Magtymguly Pyragynyň doglan gününiň 300 ýyllygyna bagyşlanan medeniýet ministrleri derejesindäki halkara maslahatyň çäklerinde geçirildi.
Belarus Respublikasynyň erkin ykdysady zolaklarynyň wekilleri 2024-nji ýylyň birinji çärýeginde harytlarynyň Türkmenistana eksportyny 2,1 esse artdyrdylar.
28-nji iýunda Eýranda nobatdan daşary Prezident saýlawlaryny geçirmek meýilleşdirilýär. Bu barada Eýran Yslam Respublikasynyň Saýlawlar merkeziniň metbugat sekretary Mohsen Eslami habar berdi.
Belgiýanyň Brýussel şäherinde Ýewropa Bileleşiginiň “Global Gateway” başlangyjynyň mümkinçilikleri we Hazar üsti halkara ulag geçelgesiniň ähli mümkinçiliklerinden peýdalanmak boýunça “tegelek stol” maslahaty geçirildi. Çärä Ýewropa Komissiýasynyň, ÝB-niň ulag meseleleri boýunça baş müdirliginiň, Ýewropanyň daşarky hereket gullugynyň we ÝB-niň beýleki guramalarynyň ýolbaşçylary, şol sanda Türkiýäniň, Azerbaýjanyň, Rumyniýanyň, Gazagystanyň, Türkmenistanyň diplomatik wekilhanalarynyň ýolbaşçylary, ulag we logistika kompaniýalary ulgamyndaky dürli barlag guramalarynyň ýolbaşçylary gatnaşdylar.
Türkmenistanyň Russiýa Federasiýasyndaky ilçisi Esen Aýdogdyýew 20-nji maýda duşenbe güni Federasiýa Geňeşiniň Başlygynyň orunbasary Konstantin Kosaçýow bilen duşuşdy.
Türkmenistanyň Tähran şäherindäki Ilçihanasynyň we Maşat şäherindäki Baş konsullygynyň binalarynda döwlet baýdaklary aşak düşürildi. Bu barada Türkmenistanyň Daşary işler ministrligi habar berýär.
Her ýyl dürli ýurtlardan media hünärmenlerini bir ýere jemleýän Astrahandaky Hazar mediaforumy 2024-nji ýylyň awgust aýynda geçiriler. Forumyň mowzugy «Medeniýetleriň dialogy Hazar sebitiniň ösüşleriniň esasy hökmünde» bolar diýip, Astrahan oblastynyň medeniýet ministri Olga Prokofýewa «Russiýa – Yslam dünýäsi: KazanForum» forumynda aýtdy diýip, TASS habar berýär.
19-20-nji maýda Tähranda Demirýol edaralarynyň ýolbaşçylarynyň 15-nji maslahaty we Ykdysady Hyzmatdaşlyk Guramasyna agza ýurtlaryň üstaşyr daşamalaryny utgaşdyrmak boýunça Demirýol komitetiniň 9-njy mejlisi geçirildi.
Türkmenistanyň Daşary işler ministri Raşid Meredow Eýran Yslam Respublikasynyň Daşary işler ministrligine şu ýylyň 19-njy maýynda Eýranyň Gündogar Azerbaýjan welaýatynda bolup geçen dikuçar heläkçiligi sebäpli Eýranyň Daşary işler ministri Hosein Amir Abdollahiýanyň aradan çykmagy zerarly gynynç bildirdi.
Maýa Kuliýewa adyndaky Türkmen milli konserwatoriýasynyň kirişli saz gurallary kafedrasynyň 5-nji ýyl talyby Mähri Dolyýewa solo konsert bilen çykyş eder. Konserwatoriýanyň uly mugallymy, «Altyn asyr» baýragynyň eýesi Näzik Saryýewanyň şägirdi köpugurly maksatnama hödürlär. Myhmanlar barokkodan başlap, XXI asyra çenli dürli döwürleriň sazlaryny, türkmenler, rus we ýewropaly kompozitorlar tarapyndan döredilen skripka üçin döredilen ajaýyp eserleri diňläp bilerler. Maksatnama Paganiniň, Bahyň, Çaýkowskiniň, Şapoşnikowyň, Şossonyň eserlerini öz içine alýar. Konsertmeýster Jeýhun Babaýew.
Türkmenistanyň Prezidenti Serdar Berdimuhamedow we türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Eýran Yslam Respublikasynyň ýolbaşçylygyna şu ýylyň 19-njy maýynda Eýranyň Gündogar Azerbaýjan welaýatynda bolup geçen dikuçar heläkçiligi sebäpli Eýranyň Prezidenti Ebrahim Raisiniň aradan çykmagy zerarly gynanç bildirdiler.
Alymlar dünýäde ilkinji 6G antennasyny döretdiler. Antennanyň özboluşly aýratynlygy maglumat geçiriş tizligini 5G-den birnäçe müň esse ýokary üpjün etmek ukybydyr.
Türkmen telekeçileri şu ýylyň 18 – 20-nji noýabry aralygynda BAE-niň Dubaý şäherinde geçiriljek tebigy we organiki önümleriň «Organic EXPO Dubai 2024» atly halkara sergisine gatnaşmaga çagyrylýar.
