Özbegistanyň paýtagty Daşkent şäherinde awtoulag serişdeleriniň ekologiki anyklaýyşy boýunça döwrebap merkez işe girizildi. Bu barada «Podrobno.uz» habarlar agentligi habar berýär.
Türkmenistanyň Daşary işler ministrligi penşenbe güni 4-6-njy marty aralygynda Owganystanyň senagat we söwda ministriniň wezipesini ýerine ýetiriji Alhaj Nuriddin Aziziniň ýolbaşçylygyndaky wekiliýetiň Owganystanda öndürilen önümleriň sergisine, işewürlik forumyna we türkmen-owgan söwda-ykdysady gatnaşyklaryny giňeltmek üçin guralan beýleki çärelere gatnaşmak maksady bilen Türkmenistana amala aşyran sapary barada köpçülikleýin habar beriş serişdeleri üçin maglumaty köpçülige ýetirdi.
2023-nji ýylda Russiýa halallyk hakynda hususy döwlet standartlaryny girizen dünýädäki ilkinji yslam däl ýurtlaryň birine öwrüldi. Noýabr aýynda Russiýanyň halallyk güwänamalary eýýäm Pars aýlagynyň ýurtlarynda ykrar edildi. Munuň özi Russiýa Federasiýasyndan BAE, Saud Arabystanyna, Bahreýne, Kuweýte, Omana, Katara we Ýemene, soňlugy bilen bolsa Ýakyn Gündogaryň, Aziýanyň we Afrikanyň beýleki ýurtlaryna önümleriň iberilmegini aňsatlaşdyrar.
2024-nji ýylyň 6-njy martynda Türkmenistanyň Daşary işler ministrliginiň Halkara gatnaşyklary institutynda Ýaş diplomatlar mekdebiniň agzalarynyň, «Parahatçylygyň ýaş çaparlary» akyl-paýhas bäsleşigine gatnaşyjylaryň hem-de ýurdumyzyň 10-11-nji synp okuwçylarynyň arasynda Magtymgulynyň hoşniýetli goňşuçylyk baradaky şygyrlaryna bagyşlanan «Magtymguly Pyragynyň parahatçylyk taglymaty» atly onlaýn test bäsleşigi geçirildi.
Türkmenistanyň ilçisi Annamämmet Annaýew Rumyniýanyň Prahow oblastynyň Söwda-senagat palatasynyň prezidenti bilen duşuşdy. Söwda-ykdysady ulgamda hyzmatdaşlygy işjeňleşdirmek meseleleri geçirilen gepleşikleriň esasy mazmunyny düzdi.
Ilçi Annamämmet Annaýewiň Rumyniýanyň milli bilim ministriniň orunbasary Ionel-Florian Liksandra bilen bolan duşuşygynda bilim ulgamynda türkmen-rumyn hyzmatdaşlygyny çuňlaşdyrmak meseleleri maslahatlaşyldy.
Ilçi Nury Gölliýew Gyrgyzystanyň medeniýet, maglumat, sport we ýaşlar syýasaty ministri Altynbek Maksutow bilen duşuşdy.
Döwlet howpsuzlyk geňeşiniň çarşenbe güni geçirilen nobatdaky mejlisinde Türkmenistanyň Prezidenti Serdar Berdimuhamedow kazylary wezipä bellemek we wezipeden boşatmak hakynda Permana gol çekdi.
Ilçi Maksat Çaryýew 24-25-nji aprelde Parižde geçiriljek Türkmenistanyň energetika pudagyna daşary ýurt maýa goýumlaryny çekmek boýunça halkara foruma degişli düzümleriň gatnaşmagy bilen bagly meseleleri maslahatlaşmak üçin Halkara energetika agentliginiň ýerine ýetiriji direktory Fatih Birol bilen duşuşdy.
Türkmenistanyň Russiýadaky Adatdan daşary we Doly ygtyýarly ilçisi Esen Aýdogdyýew Yslam Hyzmatdaşlyk Guramasyna agza ýurtlaryň ilçileriniň RF-iň Daşary işler ministrliginde geçirilen duşuşygyna gatnaşdy. Duşuşyga daşary ýurtlaryň Russiýadaky Adatdan daşary we Doly ygtyýarly ilçileri, Russiýa Federasiýasynyň Hökümetiniň, Tatarystan Respublikasynyň Hökümetiniň, Musulmanlaryň din işleri boýunça müdirliginiň, şeýle hem beýleki dini birleşikleriň wekilleri gatnaşdylar.
2024-nji ýylyň 6-njy martynda Türkmenistanyň Gruziýadaky Adatdan daşary we Doly ygtyýarly ilçisi Döwletmyrat Seýitmämmedow bilen Iwane Jawahişwili adyndaky Tbilisi döwlet uniwersitetiniň rektory Jaba Samuşiýanyň arasynda duşuşyk geçirildi.
Brýusseldäki Türkmenistanyň ilçihanasy tarapyndan açylan Magtymgulynyň 300 ýyllygy mynasybetli geçirilen şygyr okamak ýaryşy ýewropaly diplomatlaryň ünsünden düşmedi.
Lançžou uniwersitetiniň Türkmenistan boýunça ylmy-barlag merkeziniň professory Wan Şihaý türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Antalýa Diplomatiýa forumynda eden çykyşyny hytaý diline terjime etdi.
«Demirgazyk – Günorta» halkara ulag geçelgesiniň (INSTC) peýda bolmagy we Demirgazyk deňiz ýolunyň giňemegi Ýewraziýada ýük daşamalarynda täze özgertmeleri aňladýar hem-de Sues kanaly ýaly adaty deňiz ýollaryna täsirli alternatiwany hödürleýär.
Gyrgyzystanda açyk deslapky kodly hususy operasion ulgamy işlenilip düzülýär. Munuň özi «Tonk Aziýa» gyrgyz kompaniýasy bilen Russiýanyň «Bazalt SPO» kompaniýasynyň arasyndaky hyzmatdaşlygyň iň möhüm ugruna öwrüler.
