Türkmenistan ŞHG-ny möhüm ähmiýetli we geljegi uly hyzmatdaş hasaplaýar diýip, türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow 4-nji iýunda Astanada Şanhaý Hyzmatdaşlyk Guramasynyň (ŞHG) Sammitiniň çäklerinde geçirilen wekiliýet baştutanlarynyň «ŞHG+» görnüşindäki duşuşygyndaky çykyşynda belledi diýip TDH habar berýär.
Täjigistanyň Türkmenistandaky ilçisi jenap Niýatbekzoda Vafo bilen söhbetdeşlikde söwda we ykdysady ugurda ikitaraplaýyn gatnaşyklaryň ösmegine we ykdysadyýetiň hususy bölegine berilýän ünsi barada bellenip geçilýär.
Çarşenbe güni, 3-nji iýulda, Türkmenistanyň Döwlet haryt-çig mal biržasynyň söwdalarynda nebithimiýa pudagynyň önümleri we el halylary ýerlenildi.
3-nji iýulda Belarus Respublikasy esasy döwlet baýramyny—Garaşsyzlyk gününi hem-de ýurduň nemes-faşist basybalyjylaryndan azat edilmeginiň 80 ýyllygyny belleýär.
2-nji iýulda, sişende güni, Türkmenistanyň döwlet haryt çig-mal biržasynyň söwdalarynda EKO-93 kysymly awtomenzil ýerlenildi.
Türkmenistanyň BMG-niň Ženewadaky edarasynyň ýanyndaky hemişelik wekili Wepa Hajyýew 2-nji iýulda Bütindünýä intellektual eýeçiligi guramasynyň baş direktory Daren Tang bilen duşuşdy.
Saparyň dowamynda AFCENT sazandalary Maýa Kulyýewa adyndaky Türkmen milli konserwatoriýasynda ussatlyk sapaklaryny geçirdiler, maýyplygy bolan çagalar üçin çykyş etdiler, olaryň "Berkarar" söwda-dynç alyş merkezindäki konserti bolsa müňden gowrak tomaşaçyny özüne çekdi
Bu okuw, Bütindünýä Söwda Guramasyna (BSG) goşulmak üçin işjeň işleýänligi sebäpli, Türkmenistandaky ykdysatçylar üçin niýetlenendir. USAID-iň Merkezi Aziýa Söwda Maksatnamasy tarapyndan Türkmenistanyň maliýe we ykdysadyýet ministrliginiň goldawy bilen gurnalan bu üç günlük seminar, gatnaşyjylary halkara söwda syýasatynyň esasy düşünjeleri, tejribeleri we durmuşa geçirilmegi, şeýle hem dürli ugurlar bilen tanyşdyrmak, Hasaplama umumy deňagramlylygy (Computable General Deilibrium Modeling) modellemäge aýratyn üns bermek üçin döredildi. Seminara çagyrylan hünärmen ABŞ-nyň Kolorado uniwersitetinden Ykdysadyýet ylymlarynyň doktory Maýls Laýtdyr.
Türkmenistanda görnükli hindi şahyry we filosofy Rabindranat Tagoryň heýkeliniň açylmagy iki ýurt üçin hem medeni we halkara hyzmatdaşlygy alamatlandyrýan möhüm waka boldy.
Migrasiýa özgertmeleriniň çäklerinde Awstraliýa şu ýylyň 1-nji iýulyndan başlap, halkara talyp wizalarynyň tölegini 710-dan 1600 awstraliýa dollaryna çenli ýokarlandyrdy. Bu barada Awstraliýanyň Hökümetiniň saýtynda habar berilýär.
Amerikan kompaniýasy, emeli hemralary işläp düzüji we öndüriji «AST SpaceMobile» smartfonlary hatda ýapyk binalarda hem aragatnaşyk emeli hemralaryna durnukly birikdirmegi üpjün eder.
Duşenbe güni, 1-nji iýulda, Türkmenistanyň Döwlet haryt-çig mal biržasynyň söwdalarynda ýeňil senagat önümleri hem-de gurluşyk harytlary uly islegden peýdalandy.
Gazagystanda elektron söwdanyň Merkezi Aziýada iň iri merkezleriniň biri peýda bolar. Bu baradaky mesele ýurduň söwda we integrasiýa ministri Arman Şakkgalyýewiň Hytaýyň YTO Express Co. logistika kompaniýasynyň müdiriýetiniň başlygy Ýu Weýszýa bilen bolan duşuşygynda ara alnyp maslahatlaşyldy.
2024-nji ýylyň 8-12-nji iýulynda “Türkmenhowaýollary” agentliginiň awiasiýa işgärlerini taýýarlamak mekdebinde hünär derejesini ýokarlandyrmak boýunça okuw maslahaty geçiriler. Bu barada agentligiň resmi saýtynda habar berilýär.
BMG-niň Çagalar gaznasynyň Türkmenistandaky wekilhanasy ÝUNISEF-iň Ýewropa we Merkezi Aziýa ýurtlary boýunça sebit edarasy bilen bilelikde enäniň we çaganyň iýmitlenmegi bounça sowalnamany işläp taýýarlady.
