Ženewada Bütindünýä intellektual eýeçiligi guramasynyň ýolbaşçylarynyň Türkmenistana saparyny guramak meselesi ara alnyp maslahatlaşyldy
Türkmenistanyň BMG-niň Ženewadaky edarasynyň ýanyndaky hemişelik wekili Wepa Hajyýew 2-nji iýulda Bütindünýä intellektual eýeçiligi guramasynyň baş direktory Daren Tang bilen duşuşdy.
Duşuşygyň dowamynda Türkmenistanyň hem-de BIEG-niň arasyndaky hyzmatdaşlygyň meseleleri ara alnyp maslahatlaşyldy, şeýle hem özara gatnaşyklary mundan beýläk-de ösdürmegiň ugurlary kesgitlenildi.
Hususan-da, intellektual eýeçiligi ulgamyndaky hünärmenleri taýýarlamak, bu ugurda bilelikdäki taslamalary durmuşa geçirmek, şeýle hem Türkmenistanyň Bütindünýä Söwda Guramasyna goşulmagy bilen baglylykda tehniki ýardam bermek boýunça hyzmatdaşlygyň mümkinçilikleri ara alnyp maslahatlaşyldy.
BIEG-niň ýolbaşçylarynyň Türkmenistana saparyny guramak ara alnyp maslahatlaşylan aýratyn mesele boldy.
ORIENT news
