2024-nji ýylda Türkmenistan bilen Türkiýäniñ arasynda söwda dolanyşygynyñ umumy möçberi 2 mlrd 166 mln ABŞ dollaryna barabar boldy. Türkmenistandaky Türkiýäniñ Adatdan daşary we Doly ygtyýarly ilçisi Ahmet Demirok metbugat maslahatynda çykyş etmek bilen, ýurtlaryñ bu görkezijini ep-esli derejede ösdürmek üçin mümkinçiligiñ bardygyna ynam bildirýändikleri barada aýtdy.
"Eni Turkmenistan Limited" kompaniýasy NetApp maglumat saklamak ulgamyny, programma üpjünçiligini we ýazylşyklary satyn alynmagyny göz öñünde tutýan №10117731 bäsleşige gatnaşmak üçin arzalaryñ deslapky kabul edişligi barada habar berýär.
Özbegistanda E-logistika sanly platformasy işe girizilip, ol ýük daşamalar we logistika hyzmatlary üçin bitewi çözgüt bolup durýar. Bu başlangyç ýurduñ ulag-logistika ulgamynyñ has giñ sanly transformasiýa maksatnamasynyñ bir bölegi bolmak bilen, ol bu babatda aýdyñlygy we netijeliligi ýokarlandyrmaga gönükdirilendir.
1-nji martdan başlap Türkmenistan Türkiýä tebigy gazyny geçirip başlar. Bu barada şu günki metbugat maslahatynda Türkmenistandaky Türkiýäniñ Adatdan daşary we Doly ygtyýarly ilçisi Ahmet Demirok habar berdi.
Türkmenistanyñ Daşky gurşawy goramak ministrliginde ministriñ ýolbaşçylygynda ÝUNESKO-nyñ Geoparkyny öwrenmek we döretmek boýunça Iş toparynyñ birinji mejlisi geçirildi. Toparyñ düzümine pudaklaýyn ministrlikleriñ, ylmy edaralaryñ, telekeçilik jemgyýetçiliginiñ we köpçülikleýin habar beriş serişdeleriniñ wekilleri girdi.
Ýagşygeldi Kakaýew adyndaky Halkara nebit we gaz uniwersitetiniñ 4-nji ýyl talyby Hallyniýaz Babaýew 2025-nji ýylyñ Garaşsyz Döwletler Arkalaşygynyñ talyplaryñ arasyndaky "GDA-nyñ iñ gowy talyby" halkara bäsleşiginiñ birinji derejeli diplomyna mynasyp boldy. Bu barada Türkmenistanyñ Bilim ministrliginiñ saýtynda habar berilýär.
Aşgabatda "Italýan dizaýniñ günleriniñ" geçirilmeginiñ çäklerinde "Modenese Gastone Interiors Srl" italýan kompaniýasynyñ dizaýneri Leandro Skalko Türkmen döwlet binagärlik-gurluşyk institutynyñ talyplary üçin umumy sapak geçirdi.
Türkmenistanyň Döwlet gümrük gullugynyň ýanyndaky Okuw merkezinde Harytlary beýan etmegiň we kodlaşdyrmagyň utgaşdyrylan ulgamy boýunça seminar öz işine başlady.
BMG-niň Ösüş maksatnamasynyň Türkmenistandaky edarasy ýokanç däl keselleri, şol sanda diabet keseli boýunça gözegçilik çärelerini durmuşa geçirmegi, şeýle hem durmuş ähmiýetli derman serişdeleri bilen üpjün etmegi dowam etdirýär.
13-nji fewralda, penşenbe güni, Türkmenistanyň döwlet haryt çig-mal biržasynda geçirilen söwdalaşyklaryň dowamynda nebit-himiýa, ýeňil senagaty önümleri we guruşyk materiallary ýerlenildi.
"Türkmenistanda halkara ülňülerine laýyk gelýän hil üpjünçiligi" atly halkara maslahaty 29-30-njy aprel aralygynda Aşgabatda geçirilip, sertifikasiýa boýunça öňdebaryjy bilermenleri, işewürlik wekillerini, döwlet edaralarynyň ýolbaşçylaryny we halkara guramalarynyň wekillerini jemlär
"Halkara söwda we hyzmatlar" sergi-ýarmarkasy – dünýä ýurtlarynyň kompaniýalary üçin Türkmenistanyň çalt ösýän bazarynda öz ornuny giňeltmek üçin ajaýyp mümkinçilikdir. Sergi 29-njy aprel – 1-nji maý aralygynda Aşgabatda geçirilip, dünýäniň dürli künjeginden gelen işewürler, maýadarlar we bilermenler täze işewür mümkinçilikleri ara alyp maslahatlaşarlar we özara bähbitli şertnamalara gol çekerler
13-nji fewralda Minskiň A.D.Saharow adyndaky Halkara döwlet ekologiýa institutynda Türkmenistanyň Belarus Respublikasyndaky Adatdan daşary we Doly ygtyýarly Ilçisi Nazarguly Şagulyýew bilen talyplaryň arasynda duşuşyk geçirildi. Duşuşygyň esasy temasy Halkara parahatçylyk we ynanyşmak ýyly boldy
Sungýungwan uniwersitetinde (Seul) ylym we bilim pudagynda türkmen-koreý hyzmatdaşlygyny berkitmek meseleleri ara alnyp maslahatlaşyldy
Türkmenistanyň DIM-de daşary işler ministri Raşid Meredow Aşgabatda özüniň diplomatik işini tamamlaýan Saud Arabystany Patyşalygynyň Ilçisi Said bin Osman Ahmed Suweýd bilen duşuşyk geçirdi
