“Meta” we “Microsoft” kompaniýalary “Llama 2” diýlip atlandyrylýan intellektual dil modelini döretdiler. Ol söwda we ylmy-barlag işlerinde ulanylyp bilner. “Llama 2” intellektual dili kompaniýalara çat-botlary we surat generatorlaryny döretmäge ýardam berýär.
Ýewropa Birleşiginiň täze kanuny smartfonlary öndürijileri 2027-nji ýyla çenli ýewropa bazary üçin diňe akkumulýatorlary aýrylýan gurluşlary öndürmäge borçlandyrdy.
2007-nji ýylda çykarylan aýfon 200 müň dollara golaý baha bilen Amerikanyň Birleşen Ştatlarynda geçirilen bäsleşikli söwdada satyldy. Ol “Apple” kompaniýasyna Stiw Jobsyň ýolbaşçylyk eden döwründe çykarylypdyr.
Gyrgyz Respublikasynyň Ministrler Kabinetiniň Başlygy Akylbek Žaparow Koreýa Respublikasynyň Milli Assambleýasynyň Başlygynyň orunbasary Çong U Tek bilen geçiren duşuşygynda ýurtda “Hyundai” we “Kia” kompaniýalarynyň önümçilik kärhanalaryny açmagy teklip etdi.
Demirgazyk-Kawkaz federal uniwersitetiniň we Russiýanyň Ylymlar akademiýasynyň Ulgamlaýyn programmirleme institutynyň alymlary Koreýa Respublikasyndan, Meksikadan we Urugwaýdan bolan kärdeşleri bilen “akylly” şäher üçin ynamdar programma protokolyny işläp düzdüler.
Monetizasiýa (ýeňillikleriň öwezini dolmagy pul bilen çalyşmak) ulgamynyň çäklerinde Twitter sosial tory mahabatdan gelýän girdejini ullanyjylar bilen paýlaşar. Bu barada mikrobloklaryň hyzmatynyň saýtynda habar berilýär.
Hytaýyň kadalaşdyryjy edaralary dörediji emeli intellektiň işini kadalaşdyrjak düzgünleriň ýygyndysyny işläp düzdüler – diýip, Sinhua habar berýär. Bu dünýäde şuňa meňzeş düzgünleriň ýygyndysynyň ilkinjisidir.
Fransiýada satyljak ähli elektron enjamlarda ene-atalara gözegçilik etmäge şert döredýän elektron ulgam ornaşdyrylar. Bu barada ýurduň sanly ulgama geçiş we telekommunikasiýalar ministr-delegaty Žan-Noel Barro özüniň “Twitter” hasabynda mälim edýär.
“Honor” kompaniýasy öz hytaý bazarynda iň inçe eplenýän el telefonyny tanyşdyrdy. “Magic V2” diýlip atlandyrylýan bu smartfonyň galyňlygy 1 santimetrdir.
Özüniň Twitter-däki mikroblogynda amerikan işewüri Ilon Mask xAI atly täze kompaniýany döredýändigi barada habar berdi.
Elektron gurluşlaryň we kompýuterleriň düzüm bölekleriniň giň görnüşlerini öndürýän Intel kompaniýasy Next Unit of Computing (NUC) maşgalasyna degişli kiçi – ŞK-iň mundan beýläkki çykarylyşyndan ýüz döndermegi karar etdi. Degişli habarnamany prosessor äpedi öz hyzmatdaşlaryna iberdi.
Hytaý metan bilen işleýän dünýäde ilkinji raketa-göterijiniň uçuş synaglaryny üstünlikli geçirdi – diýip, China daily habar berýär.
Gyrgyzstanyň sanlar Ministrligi tarapyndan dünýäde ilkinji Sanly kodeks işlenip düzüldi. Bu barada respublikanyň sanly ösüş ministri Talantbek Imanow özüniň sosial torlardaky sahypasynda habar berdi.
“Litres” kitap hyzmaty Özbegistanda “Litres.uz” saýtynyň işini ýola goýar. Katalogda özbek dilinde çapdan çykan kitaplaryň 1500-si, şeýle hem hyzmatda hödürlenýän rus we beýleki dillerdäki neşirler bolar.
“Meta” kompaniýasynyň “Threads” sosial ulgamyny işe girizeninden soň, “Twitter-iň” ulanyjylarynyň sany ep-esli azaldy.
