«Ýaşlary ösdürmegiň tomusky maksatnamasy – 2023» 10-njy iýulda Aşgabatda başlar. Türkmenistanda ýaşlar syýasatynyň durmuşa geçirilmegine we telekeçilik ukyplarynyň ösmegine hem-de ýaşlaryň işe ýerleşmegine goldaw bermäge gönükdirilen bilim kampaniýasy, USAID-iň häzirki zaman hünär ussatlygyny ösdürmek taslamasy bilen bilelikde «Türkmenistanyň Ykdysadyýetçiler birleşigi» milli jemgyýetçilik birleşigi tarapyndan başladylýar.
«Akylly» şäher - Arkadagyň açylyş dabarasynda Türkmenistanyň Prezidenti Serdar Berdimuhamedowa uly hormat bilen Türkmenistana ilkinji gezek getirilen «TOGG» kysymly elektrik awtoulaglarynyň açarlary gowşuryldy.
GDA ýurtlaryndan we Russiýadan iň oňat gülçüleriň gatnaşjak iň reňkli we hoşboý ysly halkara gül festiwaly 8-9-njy iýulda Kronştadtda açylar. «Fortlar adasy» muzeý-taryhy seýilgäh ýaryş meýdançasyna öwrüler diýip, Sankt-Peterburgyň syýahatçylygy ösdürmek komitetiniň metbugat gullugy habar berýär.
Türkmenistandan, Özbegistandan, Türkiýeden, Pakistandan, Hindistandan, Owganystandan, Russiýadan we Merkezi Aziýanyň beýleki ýurtlaryndan ýüzlerçe çaga Täjigistanda başlanan III «Zehinli ýaşlar» çagalaryň we ýetginjekleriň çeper döredijilik festiwalyna gatnaşdy. Bu barada «Howar» habar berýär.
M.A.Bonç-Bruýewiç adyndaky Sank-Peterburg döwlet uniwersiteti bakalawr we magistr maksatnamasy boýunça türkmen ýaşlarynyň giriş synaglaryna gatnaşmaga çagyrýar. Bu barada Russiýanyň Türkmenistandaky ilçihanasynyň medeniýet bölümi habar berýär.
"Arkadag" gazeti we teleýaýlym resmi ýagdaýda okyjylara we tomaşaçylara elýeterli boldy. Döwlet ähmiýetli şäher gazetiniň ilkinji sany mynasybetli onuň döredijilik işgärlerine we okyjylaryna Prezident Serdar Berdimuhamedow Gutlag hatyny iberdi.
Şu gün - 29-njy iýunda irden Prezident Serdar Berdimuhamedowyň gatnaşmagynda täze döwlet ähmiýetli Arkadag şäheriniň açylyş dabaralary başlandy.
GDA ýurtlarynyň talyplary ýaş telekeçileriň “Student Startup” bäsleşiginde ýeňiş gazanyp, öz taslamalaryny durmuşa geçirmek üçin Russiýada grant alarlar. Bäsleşik Russiýanyň "Uniwersitet tehnologiki telekeçilik platformasy" federal taslamasynyň çäginde innowasiýalara ýardam gaznasy tarapyndan geçirilýär.
GDA ýurtlarynyň diplomatlary, çarşenbe güni Bişkekde Garaşsyz döwletler arkalaşygynyň çäginde, daşary işler ministrlikleriniň arasyndaky «Täze kynçylyklara we howplara garşy göreşmek» mowzugy boýunça geňeşmelerde döwrebap kynçylyklara we howpsuzlyga abanýan howplara garşy göreşde özara gatnaşygy ara alnyp maslahatlaşdylar.
Türkmenistanyň Daşary işler ministrliginde täze Arkadag şäheriniň açylyş dabarasynyň öňüsyrasynda ýurdumyza gelen daşary ýurt wekiliýetleri bilen duşuşyklar geçirildi. Saparyň dowamynda dürli döwletleriň, halkara guramalaryň we iri kompaniýalaryň wekilleri 29-njy iýunda geçiriljek bu uly dabaralara gatnaşmakdan başga-da, Aşgabatda iş duşuşyklaryny we gepleşikleri geçirýärler.
Türkmenistanyň Ombudsmeniniň edarasy we BMG-niň Çagalar gaznasynyň ýurdumyzdaky wekilhanasy (ÝUNISEF) maý-iýun aýlarynda Ahal, Balkan we Mary welaýatlarynda çagalar bilen işleýän döwlet işgärleri üçin çaganyň hukuklaryny goramak we öňe sürmek barada habardarlygy ýokarlandyrmak boýunça birnäçe okuw maslahatlaryny geçirdi.
It Amurýaka tokaýlygynda ýiten oglanjygy halas etdi. Ol bir gije-gündizini tokaýda geçiren oglanjygy ýabany haýwanlardan we gijäniň sowugyndan gorapdyr.
Türkmenistanyň ýokary okuw mekdeplerinde tölegi esasda bilim alan uçurymlar ilkinji gezek iki ýyllyk iş tejribeligini geçmezden diplom alatlar. Bu barada "ORIENT" habar berýär.
Birleşen Milletler Guramasynyň Ösüş Maksatnamasy (BMGÖM), Türkmenistanyň Maliýe we ykdysadyýet ministrliginiň «Durnukly ösüş maksatlaryny durmuşa geçirmek üçin platforma, II tapgyr» bilelikdäki taslamanyň çäginde Durnukly ösüş üçin 2030-njy ýyl meýilnamasy tarapyndan kabul edilen ýurduň durnukly ösüş maksatlaryna ýetmekde öňegidişlik boýunça ikinji meýletin milli synyny (VNR) taýýarlamak üçin tehniki kömek berdi. Syn, 2030-njy ýyla çenli döwür üçin ýurtda kesgitlenen DÖM millileşdirilen maksatlaryny durmuşa geçirmekde öňegidişlige baha berýär.
Günorta Koreýada 28-nji iýunda ýaş hasaby ulgamy üýtgedilýär, ýurtda halkara ýaş hasaplama ulgamyna laýyk düzgünleri kabul edýän täze kanun resmi taýdan güýje girer. Respublikada bu mesele boýunça “koreý çemeleşmesi” ýatyrylyp, ýurduň raýatlarynyň ýaşy çarşenbe güni 1 ýa-da 2 ýaş kemeler – diýip, Time žurnaly habar berýär.
