Zehinli çagalar üçin «Sirius» Bütinrussiýa bilim merkezi tarapyndan Ýewraziýa we GDA ýurtlarynyň gatnaşmagynda halkara bilim ulgamyny döretmek boýunça taslamanyň ýerine ýetirilmegi başlandy. Bu barada Siriusyň federal çäginiň Geňeşiniň başlygy, «Sirius» bilim merkeziniň baştutany Ýelena Şmelýowa salgylanyp, TASS habar berýär.
Türkmenistanyň Maliýe we ykdysadyýet ministrligi döwlet eýeçiligine degişli 46 desgany satmak boýunça bäsleşikli söwdany-auksiony geçirer. Bu baradaky bildiriş şu gün resmi türkmen metbugatynda çap edildi.
Şenbe güni, 17-nji iýunda Türkmenistanyň Döwlet haryt-çig mal biržasyndaky söwdalaşyklarda jemi bahasy $5,4 mln amerikan dollaryna deň bolan 3 geleşik baglaşyldy – diýip, ORIENT-iň habarçysy habar berýär.
Lebap welaýatynyň telekeçileri ýylyň başyndan bäri senagat önümleriniň eksport edilişini geçen ýyldaky görkeziji bilen deňeşdirilende iki esseden gowrak artdyrdylar. Gündogar welaýatyň işewür-senagatçylarynyň eksportynyň umumy möçberi $4,5 mln-a deň boldy – diýip, resmi türkmen metbugaty habar berýär.
Ahal welaýatynyň Kaka etrabynyň «Ýaz Meýdan» daýhan birleşigi galla tabşyrmak boýunça döwlet borçnamasyny 24,4%-den geçirip, artygy bilen ýerine ýetirdi. Birleşigiň galla öndürijileri meýilleşdirilen 1,7 müň tonna bugdaýyň ýerine 2,2 müň tonna dänäni kabul ediş nokatlaryna tabşyryp, döwlet borçnamasyny ilkinji bolup ýerine ýetirdiler - diýip, «Neýtralnyý Turkmenistan» gazeti habar berýär.
Türkmenbaşynyň halkara deňiz porty üstümizdäki ýylyň bäş aýynyň dowamynda Bakudan 213 gämini kabul etdi. Gaýdyşyn ugur boýunça bolsa 214 gämi ugradyldy - diýip, «Neýtralnyý Turkmenistan» gazeti habar berýär.
Türkmenistanyň Söwda we daşary ykdysady aragatnaşyklar ministrligine Ýaponiýanyň Osaka şäherinde 2025-nji ýylda geçiriljek “EKSPO — 2025” Bütindünýä sergisine gatnaşmak üçin Türkmenistanyň milli pawilýonynyň taslamasyny düzmek we ony ýanaşyk ýerlerini abadanlaşdyryp, ulanmaga doly taýýar edip gurmak hem-de beýleki degişli işleri ýerine ýetirmek barada “Belli” hojalyk jemgyýeti bilen şertnama baglaşmaga ygtyýar berildi.
Horasan Rezawi welaýatynyň dolandyryş merkezi Maşadyň Söwda palatasynda, iki ýurduň arasynda söwda we maýa goýum gatnaşyklaryny ösdürmek, eksport mümkinçiliklerini artdyrmak maksady bilen Türkmenistanyň we Eýranyň işewür wekiliýetleriniň duşuşygy geçirildi. Iki gün dowam eden bu çäre iki ýurduň söwda we senagat palatalary tarapyndan guraldy diýip, Tahlilbazaar ýazýar.
Merkezi Aziýa ýurtlarynyň bäşisiniň parlament syýasy partiýalarynyň wekilleriniň bilelikdäki wekiliýeti iýun aýynyň 14-den 17-i aralygynda Hytaýyň gündogaryndaky Anhoý welaýatyna baryp, HHR-nyň Kommunistik partiýanyň ýerli komitetiniň we dolandyryş edaralarynyň ýolbaşçylary bilen birnäçe resmi duşuşyk geçirdi.
USAID-iň Häzirki zaman hünärleri ösdürmek taslamasy “Akylly hyzmat” hojalyk jemgyýetiniň okuw merkezi bilen bilelikde guraýan «TechYouth Bootcamp» maksatnamasy boýunça okuw kurslarynyň Mary şäheriniň Aga Hanjaýew köçesiniň 15-nji “A” jaýynda ýerleşýän okuw binasynda geçirilýändigini we oňa gatnaşmak üçin ýüz tutmalaryň kabul edilşiginiň başlanýandygy barada habar berýär.
Amerikanyň Varda kompaniýasy orbitada derman öndürýän zawod gurmakçy. Bu ýerde dermanlar mikrograwitasiýa şertlerinde öndüriler. Aslynda, älemde ösdürilip ýetişdirilen belok kristallary ýerdäki gurluşlar bilen deňeşdirilende, olaryň siňdirilmegini gowulandyrjak we ýaramlylyk möhletini uzaltjak has kämil gurluşlary emele getirip biler.
Türkmenistanyň Prezidenti Serdar Berdimuhamedow Türkmenistanyň Metan boýunça global borçnama goşulmak meselesini öwrenmek maksady bilen 2023- 2024-nji ýyllar üçin halkara hyzmatdaşlygyny ösdürmek boýunça ýol kartasyny tassyklady.
Türkmenistanyň milli ýygyndysy Merkezi Aziýa Futbol assosiasiýasynyň CAFA Nations Cup-2023 – Milletler kubogynyň üçünji tapgyrynda Omanyň toparyndan ýeňildi.
Eýranyň Söwda, senagat, dag-magdan we oba hojalygy palatasynyň (ICCIMA) başlygy Golam-Huseýin Şafei Özbegistana Eýran bilen söwda gatnaşyklaryny giňeltmek üçin ulag meselesini Türkmenistanyň kömegi bilen çözmegi teklip etdi.
Astrahan gämi gatnaw kompaniýalary, Hazar deňzinde Astrahan bilen Türkmenbaşy türkmen portunyň arasynda gämi gatnaw ýolunyň döredilmegine gatnaşmaga taýýar. Sebitde floty gurmak mümkinçiliginiň bar diýip, Sankt- Peterburg halkara ykdysady forumynyň (SPIEF) çäginde Astrahan sebitiniň gubernatory Igor Babuşkin aýtdy diýip TASS habar berýär.
