18-nji maý, penşenbe güni irden Türkmenistanyň Prezidenti Serdar Berdimuhamedow HHR-iň Başlygy Si Szinpiniň çakylygy boýunça “Merkezi Aziýa — Hytaý” sammitine gatnaşmak üçin Hytaý Halk Respublikasynyň Şensi welaýatynyň Sian şäherine iş sapary bilen geldi.
Çarşenbe güni, 17-nji maýda Türkmenistanyň Döwlet haryt-çig mal biržasyndaky söwdalaşyklarda jemi bahasy $4,6 mln amerikan dollaryna deň bolan 3 geleşik baglaşyldy – diýip, ORIENT-iň habarçysy habar berýär.
Apple Park ştab-kwartirasynda boljak «ýörite çärede» Apple amerikan korporasiýasy garyşyk hakykylygyň garniturasy üçin xrOS operasion ulgamy we gurluşyň özi bilen tanyşdyrar.
Türkmenistanyň Konstitusiýasyny öwrenmekde we ony dünýäniň köp ýurtlarynyň konstitusiýalary bilen deňeşdireniňde türkmen döwletiniň Esasy kanunynyň konstitusion hukugyň nazaryýetiniň we amalyýetiniň ösüşine möhüm goşant goşup, köp meseleler boýunça halkara ölçeglerine gabat gelýändigini ynam bilen aýtmak bolýar.
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktory Mämmethan Çakyýewiň ýolbaşçylygyndaky wekiliýet “Russiýa – Yslam dünýäsi: Kazan Forum2023" atly XIV halkara ykdysady foruma gatnaşmak üçin Tatarstanyň paýtagtyna geldi. Bu barada türkmen DIM-niň metbugat gullugy habar berdi.
Mejlisiň Başlygy Dünýägözel Gulmanowa Serbiýa Respublikasynyň Türkmenistandaky Adatdan daşary we Doly ygtyýarly ilçisi Momçilo Babiçden ynanç hatyny kabul etdi. Diplomat Prezident Serdar Berdimuhamedowa öz ýurdunyň ýolbaşçylarynyň mähirli salamyny, iň gowy arzuwlaryny ýetirdi.
Russiýa, Türkmenistanyň Bitarap statusyna we oňa esaslanýan ýurduň syýasatyna ýokary baha berýär diýip, Russiýa Federasiýasynyň ÝHHG- daky hemişelik wekiliniň orunbasary Aleksandr Wolgarýow sişenbe güni geçirlen «Bitarap döwletleriň ÝHHG-nyň sebitinde howpsuzlygy, durnuklylygy we dialogy berkitmekde tutýan orny» atly halkara forumynda eden çykyşynda aýtdy.
Çarşenbe güni ÝUNISEF tarapyndan guralan tegelek stoluň esasy mowzugy – adalat işinde gaýtadan söhbetdeşlik ýa-da sorag wagtynda ýüze çykyp biljek artykmaç şikeslerden goramak üçin çagalaryň gatnaşmagyndaky derňewler wagtynda dostlukly çemeleşmeleri we oňyn tejribeleri döretmek boldy.
Çarşenbe güni Prezidentimiz Serdar Berdimuhamedow «Goetzpartners» we «Prodoehl Consult» geňeşçi kompaniýalarynyň ýolbaşçylary – Stefan Getsi, Stefan Sanktýohanseri, Hans Prodel we Germaniýanyň işewür wekiliýetiniň beýleki agzalaryny kabul etdi.
Türkiýäniň diplomatik wekilhanasynyň Twitter sahypasynda berýän habaryna görä, 20-nji we 21-nji maýda Aşgabatdaky Türkiýäniň ilçihanasynyň binasynda prezident saýlawlarynyň ikinji tapgyry boýunça ses berişlik geçiriler.
Aşgabatda Durnukly ulag boýunça ilkinji global konferensiýanyň geçirilýän güni – 2016-njy ýylyň 26-njy noýabry Bütindünýä durnukly ulag güni diýlip yglan edildi. Bu günüň yglan edilmegi baradaky rezolýusiýa, BMG-nyň Baş Assambleýasy tarapyndan 2023-nji ýylyň 16-njy maýynda Baş Assambleýanyň 77-nji mejlisiniň 70-nji umumy mejlisinde kabul edildi.
Bişkekde Türkmenistanyň Gyrgyzystandaky ilçisi Şadurdy Meredow we Gyrgyzystanyň Ýusup Balasagyn adyndaky Milli uniwersitetiniň rektory Tolobek Abdyrahmanow Türkmenistanyň ÝOM-leri bilen uniwersitetiň arasyndaky hyzmatdaşlygyň geljegini ara alyp maslahatlaşdylar.
Çarşenbe güni Türkmenistanyň Daşary işler ministriniň orunbasary Mähri Bäşimowa Serbiýa Respublikasynyň ilçisi Momçilo Babiçiň ynanç hatynyň nusgalaryny kabul etdi.
Beýik türkmen şahyrynyň 300 ýyllygyna bagyşlanan "Magtymguly Pyragy - türkmen halkynyň kalby" atly halkara maslahat Tbiliside Gruziýanyň Milli ylymlar akademiýasynyň, Korneli Kekelidze adyndaky Milli golýazmalar merkeziniň alymlaryny we dilçilerini, ÝOM-niň mugallymlaryny, şeýle hem Gruziýada akkreditlenen diplomatik wekilhanalaryň we halkara guramalaryň wekilhanalarynyň wekillerini birleşdirdi. Türkmen tarapyndan foruma Türkmenistanyň Ylymlar akademiýasynyň Magtymguly adyndaky Milli dil, edebiýat we golýazmalar institutynyň bilermenleri we hünärmenleri gatnaşdylar.
Russiýa Federasiýasynyň Türkmenistandaky täze ilçisi Iwan Wolynkin çarşenbe güni Daşary işler ministriniň wezipesini wagtlaýyn ýerine ýetiriji Wepa Hajyýewe şahsyýetnamasynyň nusgalaryny gowşurdy.
