Türkmenistanyň Halk Maslahatynyň Başlygy Gurbanguly Berdimuhamedow telefon arkaly Şawkat Mirziýoýewi ýakynda Özbegistanda geçirilen Prezident saýlawlarynda gazanan ynamly ýeňşi bilen gutlady. Türkmen halkynyň Milli Lideri doganlyk özbek halkyna abadançylyk we gülläp ösüş arzuw etdi diýip, Özbegistanyň Prezidentiniň metbugat gullugy habar berýär.
Prezident Serdar Berdimuhamedow Özbegistanda möhletinden öň geçirilen Prezident saýlawlarynda gazanan ynamly ýeňşi bilen özbek kärdeşi Şawkat mirziýoýewi gutlady. Bu barada Özbegistanyň Prezidentiniň metbugat gullugy habar berýär.
Türkmenistanyň Mejlisiniň 7-nji çagyryşyna täze saýlanan 27 deputat USAID-iň maksatnamasynyň çäginde döwlet dolandyryşyny kämilleşdirmek boýunça okuw türgenleşiklerini geçdiler. Onuň çäklerinde, deputatlar kanunçykaryjylyk we we parlament palatalarynyň işi boýunça öňdebaryjy dünýä tejribeleri bilen tanyş boldular.
Türkmenistanyň telewideniýe, radiogepleşikler we kinomatografiýa baradaky Döwlet komitetiniň wekilleri Malaýziýanyň Kuçing şäherinde geçen Ähliumumy habarlar forumyna gatnaşdy- diýip, türkmen maglumatlar merkezi habar berýär.
30-njy iýundan 10-njy iýul aralygynda Gyrgyzystanyň Issyk-Köl kölüniň kenarýakasyndaky Korumdu obasynda 6-18 ýaş aralygyndaky küştçüleriň arasynda Günbatar Aziýa çempionaty geçirildi. Ýaryşlar küştüň üç görnüşi: nusgawy wagt gözegçilik düzgünleri, rapid (çalt oýnalýan küşt) we blis (ýyldyrym çaltlygynda küşt) boýunça geçirildi. Çempionata 9 ýurtdan jemi 300-e golaý türgen gatnaşdy.
Däp bolşy ýaly tomus döwründe Türkmenistanda ýyladaş infrastrukturasynyň gyşky möwsüme deslapky taýýarlanmagy we abatlanmagy başlanýar. Şeýlelikde, paýtagtyň häkimligi Aşgabatýylylyk trestiniň ýyladyş ulgamlarynyň düýpli abatlanmagy üçin tender-bäsleşigini yglan etdi.
Aşgabadyň günbatar bölegindäki Köşi ýaşaýyş jaý toplumynyň 68 ýaşaýyş jaýynda täze daşarky inžener ulgamlaryny dörederler. Munuň üçin gerekli enjamlary satyn almak boýunça degişli tender-bäsleşigi şu gün «Türkmenistan» gazetinde çap edildi.
Astrahan oblastynyň hökümetiniň başlygynyň orunbasary Denis Afanasýew Arkadag we Astrahan şäherleriniň meýdançalarynda ikitaraplaýyn tejribelikleriň we goşmaça hünär maksatnamalarynyň gurnalmagynyň mümkindigi barada beýan etdi- diýip, «Голос СНГ» habar berýär.
Türkmenistanyň maliýe we ykdysadyýet Ministrligi döwlet eýeçiligine degişli desgalary satmak boýunça bäsleşikli söwdany geçirer, onda dürli ugurlara niýetlenen 45 desga satuwa çykarylar. Bu baradaky bildiriş resmi türkmen metbugatynda [ ýaýradyldy](https://metbugat.gov.tm/newspaper?id=10551)**.
Türkmenistanyň Senagatçylar we telekeçiler birleşmesi (TSTSB) ABŞ-nyň Halkara ösüş agentligi(USAID) bilen özara düşünişmek hakynda Ähtnama gol çekdiler.
Howandarlyga mätäç çagalara hemaýat bermek boýunça Gurbanguly Berdimuhamedow adyndaky haýyr-sahawat gaznasy Arkadag şäherinde ýerli çig maldan derman serişdelerini öndürmek boýunça kärhanalaryň gurluşygyna serişdeleri bölüp berer.
Л-0,5-62 kysymly dizel ýangyjy (her tonnasynyň bahasy - $585), SN-180 kysymly (her tonnasynyň bahasy - $751) we SN-350 kysymly esasy ýaglar (her tonnasynyň bahasy - $795), yşyklandyryş kerosin (her tonnasynyň bahasy - $564,50), tekizlenip boýalan we žakkard tüýjümek önümler (her kg-nyň bahasy - $4,60), ýorgan-düşek daşlyklaryň dürli toplumlary (her toplumyň bahasy $6,50-den $11,50-e çenli) Türkmenistanyň Döwlet haryt-çig mal biržasyndaky söwdalaşyklaryň barşynda şenbe güni, 8-nji iýulda islege eýe boldylar.
Samsung Electronics-de Apple Vision Pro-nyň golaýdaky tanyşdyrylyşy sebäpli hakykylyk bilen üsti ýetirilen hususy garniturasynyň üstündäki işi soňa goýdular – diýip, Business Korea salgylanyp, 3dnews.ru ýazýar.
Geljek ýyldan başlap, Birleşen Milletler Guramasynyň ynsanperwer ýüklerini dawa-jenjeliň we tebigy betbagtçylygyň bolan ýerlerine emeli intellekti bolan robotlar elter. Bu barada BMG-niň Bütindünýä azyk maksatnamasynda mälim edildi.
Bir mahal Kazanyň “Rubin” futbol toparyna tälimçilik eden Gurban Berdiýew indi Russiýanyň Birinji ligasynda çykyş edýän Mahaçgalanyň “Dinamo” toparyna baş tälimçi boldy. Bu barada futbol topary özüniň jemgyýetçilik torunda mälim edýär.
