Anna güni, 9-njy iýunda Türkmenistanyň Döwlet haryt-çig mal biržasyndaky söwdalaşyklarda jemi bahasy $105,7 mln amerikan dollaryna we 14,1 mln türkmen manadyna deň bolan 30 geleşik baglaşyldy – diýip, ORIENT-iň habarçysy habar berýär.
Türkmenistanyň ýetginjekler ýygyndysy göreş boýunça Bişkekde (Gyrgyzystan) 10-njy iýunda başlanjak Aziýanyň çempionatyna gatnaşar.
Sebitiň ýurtlary bilen ykdysady hyzmatdaşlygyň giňelmegine goşant goşan bu ugurda oňyn faktoryň, Wengriýanyň synçy hökmünde Türk döwletleriniň guramasyna goşulmagyny, Türkmenistanyň hem şol statusa eýedigini belläp, wenger tarapynyň Türkmenistan we umuman Merkezi Aziýa döwletleri bilen hyzmatdaşlygy mundan beýläk-de ösdürmäge gyzyklanma bildirýändigini aýtdy.
Türkmenistanyň Prezidenti Serdar Berdimuhamedow Wengriýanyň premýer- ministri Wiktor Orban bilen giňeldilen formatda geçirilen gepleşiklerde söwda we ykdysady gatnaşyklary ikitaraplaýyn hyzmatdaşlygyň möhüm bölegi diýip atlandyrdy we özara söwdany ýokarlandyrmak üçin pudagara derejesinde maksatly teklipleri işläp düzmegi teklip etdi.
Anna güni “Aşgabat” kinoteatrynda Rus kinosy we animasiýa günleri açyldy we bu çäre 14-nji iýuna çenli dowam eder. Kino zalynyň foýesinde festiwalyň gurnaýjylary multfilm gahrymanlary, wiktorinalar we dürli ýaryşlar bilen bezelen surat zolaklaryny guradylar. Çagalar we ulular halaýan gahrymanlary – pälwanyň ýa-da şa gyzynyň we filmleriň beýleki gahrymanlarynyň ornunda özlerini synap gördüler.
Özbegistanda täze uniwersitet – daşky gurşawy we howanyň üýtgemegini öwrenmek boýunça Merkezi Aziýa Green University uniwersiteti açyldy. Dalaşgärleri kabul etmek 2023-nji ýylyň sentýabr aýynda başlar diýip, Podrobno.uz habar berýär.
Russiýanyň prezidenti Wladimir Putin anna güni Soçide Ýewraziýa Ykdysady Bileleşiginiň premýer-ministrleri bilen duşuşygynda, Sowet ulgamyna doly dolanmazdan GDA we EAEU ýurtlarynda umumy ýörelgeleri we bilim standartlaryny girizmek barada pikirlenmegi teklip etdi. Bu barada TASS agentligi habar berýär.
Belorussiýanyň "Belawiýa" awiakompaniýasy awgust aýyndan başlap Türkmenbaşy şäheriniň halkara howa menziline gatnawlaryň sanyny artdyrar. Minskden Türkmenistana uçuşlar hepdede iki gezek - çarşenbe we şenbe günleri amala aşyrylar – diýip, awiakompaniýanyň metbugat gullugy habar berdi.
"Tomus uniwersiteti - 2023" federal taslamasy şu ýylyň iýul aýynda 25 ýurtdan 1200 talyby iki hepdelik mugt maksatnama kabul etmegi meýilleşdirýär. Oňa Russiýanyň we goňşy ýurtlar bolan Ermenistanyň, Azerbaýjanyň, Belarusyň, Gruziýanyň, Gazagystanyň, Gyrgyzystanyň, Türkmenistanyň, Täjigistanyň, Özbegistanyň, şeýle hem Alžiriň, Müsüriň, Kubanyň, Siriýanyň, Türkiýäniň, Braziliýanyň, Wýetnamyň, Hindistanyň, Kolumbiýanyň, Serbiýanyň, Bangladeşiň, Iordaniýanyň, Hytaýyň, Mongoliýanyň we Ekwadoryň talyplary gatnaşarlar.
Türkmenistan bilen Wengriýanyň arasyndaky gatnaşyklary öňünden aýdyp boljak, ygtybarly we özara hormata esaslanan diýip, premýer-ministr Wiktor Orban anna güni Prezidentimiz Serdar Berdimuhamedow bilen geçirilen gepleşikleriň netijesine görä metbugat üçin eden çykyşynda belledi.
Türkemenistanyň ýaş tennisçileri taryhda ilkinji gezek 12 ýaşly we şondan kiçi oglan-gyzlaryň arasynda tennis boýunça Merkezi Aziýa ýurtlarynyň sebitleýin ýaryşynda kümüş medal gazandylar.
Koreýa Respublikasynyň Türkmenistandaky ilçihanasy «Koreýa Respublikasy hakyndaky wiktorina» («Quiz on Korea») milli seçip almalary geçirýär. Bu barada diplomatik wekilhananyň saýtynda habar berilýär.
Aşgabatda Ýewropanyň Täzeleniş we ösüş bankynyň eksporta gönükdirilen kärhanalar üçin niýetlenen Mekdebiniň çäklerinde okuw başlandy. Okuw çäreleri Ýewropa birleşigi tarapyndan maliýeleşdirilýär.
Türkiýäniň Prezidenti Rejep Taýyp Ärdogan Hafize Gaýe Erkany ýurduň Merkezi bankyna ýolbaşçy belledi. Ol bu wezipä bellenen ilkinji zenan boldy.
Wengriýa Türkmenistandan tebigy gazy satyn almaga gyzyklanma bildirdi – diýip, Wengriýanyň daşary işler we daşary ykdysady aragatnaşyklar ministri Peter Siýýartonyň beýanatyna salgylanyp, Trend habar berýär.
