Mekdep okuwçylarynyň arasynda 17-nji Aziýa küşt çempionaty 14-nji iýulda Daşkende çalt ýaryş bilen başlandy. Bäsleşigiň ilkinji gününde 17 ýaşa çenli kategoriýadaky çempionlyga gatnaşan türkmenler Läle Şöhradowa we Amanmuhammet Hommadow degişlilikde kümüş we bürünç medallara eýe boldular.
Hökümetiň giňeldilen mejlisinde Prezidentimiz Serdar Berdimuhamedow Türkmenistanyň daşary syýasaty bilen baglanyşykly birnäçe permanlara we kararlara gol çekdi.
Türkmenistanyň umumy ilaty 2022-nji ýylyň 17-nji dekabry ýagdaýyna görä 7 057 841 adam boldy.
Ýurdumyzyň milli ykdysady toplumynyň 2023-nji ýylyň birinji ýarymynda alyp barýan işleriniň netijeleri baradaky hökümet mejlisinde döwlet Baştutany täze ýyldan başlap, býujet edaralarynyň, kärhanalarynyň we jemgyýetçilik birleşikleriniň işgärleriniň aýlyk haklaryny, pensiýa we döwlet kömek pullaryny, talyp we diňleýji haklaryny 10 göterim ýokarlandyrmak barada karara gol çekdi.
Ýurdumyzyň oba hojalygyny we daşky gurşawy goramagy düýpli özgertmek maksady bilen, Türkmenistanyň Oba hojalyk we daşky gurşawy goramak ministrligi ikä bölüner, onuň binýadynda Türkmenistanyň Oba hojalyk ministrligi hem-de Türkmenistanyň Daşky gurşawy goramak ministrligi dörediler. Degişli resminama Prezident Serdar Berdimuhamedow hökümetiň anna güni geçirilen giňişleýin mejlisinde gol çekdi.
Türkmenistanyň bäş welaýatyndan dördüsiniň ýolbaşçylary, has takygy Ahal, Balkan, Daşoguz we Mary welaýatlarynyň häkimleri çalşyldy.
Gulmyrat Agamyradow, işinde goýberilen kemçilikleri üçini Döwlet bedenterbiýe we sport komitetiniň başlygy wezipesinden boşadyldy.
Prezidentimiz Serdar Berdimuhamedow Söwda-senagat edarasynyň we Senagatçylar we telekeçiler birleşmesiniň geňeşleriniň mejlisleriniň şol guramalaryň täze ýolbaşçylary saýlamak baradaky kararlaryny tassyklady.
Prezidentimiz Serdar Berdimuhamedow anna güni Ministrler Kabinetiniň ýylyň birinji ýarymynyň netijeleri boýunça mejlisinde Nyýazly Nyýazlyýewi işinde goýberen kemçilikleri üçin «Türkmenhimiýa» döwlet konserniniň başlygy wezipesinden boşatdy.
Prezident Serdar Berdimuhamedow Begenç Çaryýewi, işde goýberen kemçilikleri üçin, Türkmenistanyň Döwlet haryt-çig mal biržasynyň başlygy wezipesinden boşatdy.
Prezident Serdar Berdimuhamedow ýarymýyllygyň netijeleri boýunça anna güni geçirilen Ministrler Kabinetiniň giňişleýin mejlisinde Hajymuhammet Rejepmyradowy, işde goýberen kemçilikleri üçin, Türkmenistanyň energetika ministri wezipesinden boşatdy.
Bu çärä gatnaşmak üçin Azerbaýjanyň paýtagtyna dünýä belli britan sazandasy we estrada aýdymçysy Engelbert Hamperdink barar, onuň şahsy awtografy bilen ýyldyzy “ýyldyz” ýolunda ilkinji bolar - diýip, Day.Az habarlar gullugy habar berýär.
Hazar deňziniň üstki meýdany 15 ýylda 8 müň km² azaldy. Bilermenleriň pikiriçe, suwuň derejesiniň peselmegi eýýäm ekoulgama we deňiz senagatyna täsir edip ugrady. Gazagystanyň ekologlarynyň pikiriçe, Hazara Wolga we Žaýyk derýalarynyň suwuny guýmaly – diýip, Sputnik habar berýär.
Hywa 2024-nji ýylda Yslam dünýäsiniň syýahatçylyk paýtagty diýlip yglan edildi. Bu karar penşenbe güni Bakuwda geçirilen Yslam Hyzmatdaşlyk Guramasynyň XI mejlisinde kabul edildi. Bu barada Özbegistanyň Syýahatçylyk we medeni miras ministrliginiň metbugat gullugy habar berdi.
Aşgabatlylaryň arasynda paýtagtyň merkezinde ýerleşýän bu şäher seýilgähi "Disneýlend" ady bilen has meşhur. Çagalar saglyk festiwaly 18-nji iýulda “Ertekiler dünýäsi” dynç alyş zolagynda geçiriler, bu ýerde ir säherde ýaş türgenler, ýagny hokkeýçiler, gimnastikaçylar, welosiped sürüjiler, futbolçylar we basketbolçylar ýygnanar.
