Şu gün, 22-nji awgustda «Merw» Täjigistanda ýerli «Hujand» bilen örän möhüm oýun geçirýär. Türkmen futbolçylary Aziýanyň möhümligi boýunça ikinji orunda duran klub ýaryşy – AFK kubogynyň topar tapgyryna çykmak üçin söweşer.
Türkmenistanyň Täjigistan Respublikasyndaky ilçisi Aýmyrat Goçmyradow Gazagystanyň ilçisi Walihan Turehanow bilen duşuşyp, iki ýurduň arasyndaky özara we köptaraplaýyn hyzmatdaşlygyň ugurlaryny ara alyp maslahatlaşdy. Bu barada Türkmenistanyň Täjigistandaky ilçihanasy habar berýär.
“Türkhowaýollary” agentliginiň Türkmenistandaky resmi agenti “Hoş Syýahat” hojalyk jemgyýeti islendik halkara ugra 4 tarif boýunça ýeňillikli awibiletleri hödürleýär.
Daşoguz welaýatynyň suw gözleýji toparynyň hünärmenleri Boldumsaz we Akdepe etraplarynyň ilatly ýerlerini bökdençsiz suw bilen üpjün etmek üçin sebitde ýerasty suwlaryň çeşmelerini öwrendiler. Bu barada “Nebit-gaz” gazeti habar berýär.
ComicConAstana - komiks, kino, wideo oýunlary, anime we häzirki zaman meşhur medeniýetiniň beýleki ugurlaryna bagyşlanan halkara festiwal 15-17-nji sentýabrda Astana şäherinde geçiriler. Forumyň çäginde kosplay bäsleşigi geçiriler we ajaýyp blokbasterleriň muşdaklaryna eksklýuziw materiallar hödürlener diýip, festiwalyň guramaçylyk komitetiniň saýtynda aýdylýar.
2024-nji ýylda dünýä jemgyýetçiligi beýik şahyr we filosof Magtymguly Pyragynyň doglan gününiň 300 ýyllygyny giňden bellär. Bu sene mynasybetli medeni, döredijilik we ylmy çäreler Russiýada hem geçiriler. Şahyryň belentden hatyralanýan we döredijiligine hormat goýulýan ýerleriň biri bolan Astrahan oblastynda Magtymgulynyň döredijiligine we ruhy mirasyna bagyşlanan birnäçe çäreler meýilleşdirildi.
Duşenbe güni Türkmenistanyň Suratkeşler bileleşiginiň Lebap welaýat bölüminiň Sergi zalynda zehinli türkmen suratkeşleriniň eserleriniň sergisi açyldy. Sergi 15- nji awgustdan 21-nji awgust aralygynda Türkmenabat şäherinde geçirilen döredijilik forumynda ussat nakgaşlaryň döreden täze eserleri bilen bezeldi.
Ýylboýy gök önümler, miweler we iýmişler - indi bu arzuw däl, hakykat. Esasanam güýz-gyş möwsüminde bedene goşmaça witaminler gerek. Ynha şonda şu gün marketlerde, söwda merkezlerinde we marketpleýslerde satyn alyp boljak doňdurylan önümler kömege gelýär.
Türkiýäniň Kappakodiýa uniwersitetiniň wekilleri Türkmenistanyň Ankara şäherindäki ilçihanasyna sapar bilen baryp, ilçi Mekan Işangulyýew bilen duşuşdy. Bu barada "FIB" habarlar agentligi mälim edýär.
Ýeňil atletika boýunça XIX Dünýä çempionatynyň öň ýanynda Türkmenistanyň Prezidenti Serdar Berdimuhamedow Tatarystan Respublikasynyň Baştutany Rustam Minnihanow bilen duşuşdy. Bu barada Tatarystan Respublikasynyň metbugat gullugy habar berýär.
Grek-rim we erkin göreş boýunça türkmen pälwanlary 17-nji awgustdan 20-nji awgust aralygynda Buharestde (Rumyniýa) geçirilen Ion Cornianu & Ladislau Simon halkara ýaryşynda üç medal gazandylar. Bu barada ýurdumyzyň bedenterbiýe we sport boýunça döwlet komitetine ORIENT-iň habarçysyna habar berdiler.
Milli Eýran Gaz Kompaniýasynyň (NIGC) baş direktory, Ýewropa döwletleriniň Eýran bilen Türkiýäniň üsti bilen gaz import etmek barada gepleşik geçirendigini beýan edip, gepleşikleriniň entek üstünlikli bolmandygyny aýtdy diýip Mehr agentligi duşenbe güni habar berdi.
Türkmenistanyň Tennis federasiýasynyň (TTF) başlygy Eziz Döwletow Aziýada sportuň şu görnüşini ösdürmek boýunça ýolbaşçylar üçin geçirilen seminara gatnaşdy.
Zenanlar dünýä çempionatynyň finalynda Ispaniýa Angliýany ýeňdi. Sidneýde (Awstraliýa) geçirilen duşuşyk 1:0 hasabynda tamamlandy.
Türkmenistanyň Gazagystandaky Adatdan daşary we Doly ygtyýarly ilçisi Batyr Rejepow Gazagystanyň M.S.Narykbaýew adyndaky ynsanperwer, hukuk uniwersitetiniň dolandyryş ýolbaşçysy Talgat Narikbaýew bilen duşuşdy. Bu barada Türkmenistanyň Gazagystandaky ilçihanasy habar berýär.
