Anna güni Türkmenistanyň DIM-nde daşary işler ministriniň orunbasary Ahmet Gurbanow bilen Hytaý Halk Respublikasynyň DIM-niň Owganystan boýunça ýörite wekili Ýue Sýaoýunyň arasynda duşuşyk geçirildi.
Azerbaýjanyň Türkmenistandaky ilçihanasy Aşgabatda "Azerbaýjan aşhana sungaty we medeniýeti" ady bilen çäre geçirdi.
Gümrük kanunçylygyna täze girizilen kadalar, daşar ykdysady işi amala aşyrmagyň meseleleri Ahal welaýat gümrükhanasynyň binasynda geçirilen Eksport we import amallary boýunça pudagara duşuşygynyň barşynda ara alnyp maslahatlaşyldy.
Türkmenistanyň Gazagystan Respublikasynyň Aktau şäherindäki konsullyk edarasynda Prezident Serdar Berdimuhamedowyň "Ýaşlar - Watanyň daýanjy" atly kitabynyň çapdan çykmagy we Magtymguly Pyragynyň doglan gününiň 300 ýyllygy mynasybetli brifing geçirildi.
Ýakyn wagtda türkmen wekiliýeti Almaty, Şymkent we Astana şäherlerine hem işewürlik saparlaryny amala aşyrarlar.
Türkmenistanyň Prezidenti Serdar Berdimuhamedow Nurmuhammet Annagurbanowy Aşgabat şäheriniň Büzmeýin etrabynyň häkimi wezipesine bellemek hakynda Permana gol çekdi.
Anna güni, 23-nji fewralda, Türkmenistanyň Döwlet haryt-çig mal biržasynyň söwdalarynda içerki we daşarky bazarlara ýurdumyzda öndürilýän nebithimiýa, ýeňil senagat, oba hojalyk önümleri, gurluşyk harytlary hem-de türkmen halylary ýerlenildi.
SpaceX kompaniýasy Starlink internet-hyzmatynyň käbir hemralaryny ulanyjylara ýakynrak ýerleşdirmek isleýär. Munuň üçin kompaniýa ABŞ-nyň Aragatnaşyk boýunça federal komissiýasyna öz hemralaryny Ýeriň üstünden 340-360 km belentlikde ýerleşdirmäge rugsat almak üçin ýüz tutdy. Bu häzirki ulanylýan orbitalardan 200 km pesdir.
Türkmenistanyň “Gadymy Änew medeniýeti” atly halkara ylmy maslahatyna gatnaşmaga çagyrýar. Forum, Änew şäheriniň 2024-nji ýylda türki dünýäsiniň medeni paýtagty hökmünde yglan edilmegine bagyşlanan çäreleriň başlanmagynyň ertesi güni ýagny, 27-nji martda geçiriler. Maslahatyň wekiliýetleri geçiriljek bu dabaralara hem gatnaşarlar.
Mart aýynda “Türkmenistanda syýahatçylygy ösdürmegiň esasy ugurlary we mümkinçilikleri” atly halkara maslahatyny geçirmek meýilleşdirilýär. Bu barada wise-premýer Mährijemal Mämmedowa anna güni türkmen Hökümetiniň mejlisinde baharyň birinji aýynda geçirilmegi meýilleşdirilýän ynsanperwerlik ugurly çäreleriň meýilleşdirilýändigi barada beren hasabatynda aýtdy.
Änew şäheriniň 2024-nji ýylda türki dünýäsiniň medeni paýtagty hökmünde yglan edilmegine bagyşlanan çäreler 26-njy martda başlanar. Çäreleriň açylyş dabarasy Ahal welaýatynyň Ak Bugdaý etrabynda ýerleşýän “Nowruz ýaýlasy” meýdançasyndaky “Türkmeniň Ak öýi” binasynyň konsert zalynda geçiriler.
Berkarar döwletiň täze eýýamynyň Galkynyşy döwründe ýurdumyzyň gülläp ösmeginde hem-de özgertmeleri durmuşa geçirmekde zenanlarymyzyň bitirýän uly hyzmatlaryny, Watanymyza wepaly, sagdynhem ruhubelent nesilleri terbiýeläp ýetişdirýändiklerini nazarda tutup, şeýle hem ata-babalarymyzyň mähriban enelerimize, eziz uýalarymyza hormat goýmak baradaky asylly däplerini dowam etdirmek maksady bilen Prezident Serdar Berdimuhamedow 8-nji martda Halkara zenanlar güni mynasybetli Türkmenistanyň aýal-gyzlaryna pul sowgatlary gowşurmak barada Buýruga gol çekdi.
Özbegistanyň Milli uniwersitetinde Türkmenistanyň Prezidenti Serdar Berdimuhamedowyň "Ýaşlar - Watanyň daýanjy" atly kitabynyň tanyşdyrylyş dabarasy geçirildi.
Türkmenistanyň Minskdäki ilçisi Nazarguly Şagulyýew 23-nji fewralda Belarusyň Ýazyjylar birleşiginiň başlygy, “Zwezda” neşirýatynyň direktory, baş redaktory Aleksandr Karlýukewiç bilen duşuşdy.
Şu günler Türkmenistanyň Inženerçilik-tehniki we ulag kommunikasiýalary institutynyň we Türkmenbaşy şäheriniň Deňizçilik orta hünär okuw mekdebiniň talyplary «Deňiz söwda floty» paýdarlar jemgyýetiniň «Çarlak» ýolagçy gämisinde tejribelik geçýärler. Bu barada «Türkmendeňizderýaýollary» agentliginiň saýtynda habar berilýär.
