Seulda bolan iş saparynyň çäklerinde Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow we Koreýa Respublikasynyň Milli Assambleýasynyň Başlygy Kim Jin Pyo iki ýurduň parlamentleriniň arasynda hyzmatdaşlyk etmek hakynda Ähtnama gol çekdiler. Bu barada TDH agentligi habar berýär.
Owganystanyň Faryab welaýatynyň Garamgol etrabynda Türkmenistanyň hökümeti tarapyndan 2009-njy ýylda gurlan Saglyk öýüniň durkunyň düýpli abatlanyp berilmegi bilen bagly dabaraly resmi çäre geçirildi. Ýurtda soňky döwürde bolup geçen wakalar sebäpli, saglygy goraýyş edarasyna zyýan ýetdi we şol sebäpli, türkmen hökümeti tarapyndan onuň doly abatlanmagyna we enjamlaşdyrylmagyna serişde bölünip berildi, şeýle hem, ynsanperwer kömegi hökmünde owgan tarapyna medisina enjamlary, derman serişdeleri gowşuryldy.
24-nji noýabrda Tokioda Liberal-demokratik partiýasynyň agzalaryndan ybarat Ýapon-Merkezi Aziýa parlament dostluk ligasynyň ilkinji mejlisi geçirildi. Ýaponiýanyň dolandyryjy partiýasynyň wise-prezidenti Taro Aso tarapyndan ýolbaşçylyk edilýän parlament topary Merkezi Aziýa sebitiniň bäş ýurdy: Gazagystan, Gyrgyzystan, Türkmenistan, Täjigistan we Özbegistan bilen gatnaşyklary berkitmek üçin döredildi – diýip, "Asahi" gazeti ýazýar.
Türkmen hünärmenleriniň gatnaşmagynda Merkezi Aziýada Serhetleri dolandyrmak Maksatnamasynyň sebitleýin okuw maslahatynda (BOMCA 10) Ösümlikleri goramak boýunça halkara konwensiýasynyň (IPPC) talaplary ara alnyp maslahatlaşyldy. Bu barada maksatnamanyň web saýty habar berýär.
Anna güni Türkmenistanyň Prezidenti Kararlara gol çekdi. Resminamalara laýyklykda, ýurduň sebitleriniň dolandyryş-çäk bölünişigindäki üýtgeşmeler bilen baglylykda:
Türkmen şahyrlarynyň meşhur eserleri 100 tomdan ybarat bolan "Türk edebiýatynyň merjenleri" atly kitaplar ýygyndysyna goşuldy, ol Türk dünýäsiniň nusgawy eserleriniň saýlanan goşgularyny öz içine alýar. Bu barada Türki döwletleriň guramasynyň resmi web saýty habar berýär.
Ministrler Kabinetiniň anna güni geçirilen mejlisinde wise-premýer, Türkmenistanyň Daşary işler ministri Raşid Meredow, ýakyn wagtda Birleşen Arap Emirlikleriniň Senagat we ösen tehnologiýalar ministriniň ýolbaşçylygyndaky wekiliýetiniň Türkmenistana iş saparyny amala aşyrmagy meýilleşdirýändigini belledi.
Gyrgyzystanyň Daşary işler ministriniň orunbasary wezipesini ýerine ýetiren Azizbek Madmarow Gyrgyzystanyň Türkmenistandaky ilçisi wezipesine bellendi. Prezident Sadyr Japarow buýruga gol çekdi. Bu barada Gyrgyzystanyň döwlet baştutanynyň metbugat gullugy habar berýär.
Türkmenistanyň "Notariat we notarial işi hakynda" täze kanuny notarial işini amala aşyrmagyň elektron resminamalarynyň tertibini we kanuny güýjüni düzgünleşdirer. Bu barada türkmen metbugatynda şu günki çap edilen kanunyň tekstinde habar berilýär.
Iki ýurduň arasyndaky diplomatik gatnaşyklaryň ýola goýulmagynyň 30 ýyllygynyň bellenilmeginiň çäklerinde Beýik Britaniýanyň Türkmenistandaky ilçisi Lýusiýa Waýld Mary welaýatyna baryp gördi.
Türkmenistanyň GDA-daky hemişelik doly ygtyýarly wekili Nazarguly Şagulyýew Minskde geçirilen Arkalaşygyň kanuny we beýleki guramalaryna degişli Arkalaşygyň agza döwletleriniň hemişelik wekilleriniň geňeşiniň nobatdaky maslahatyna gatnaşdy. Bu barada GDA-nyň Ýerine ýetiriji komitetiniň saýty habar berýär.
BMG-niň Neşe serişdeleri we jenaýatçylyk baradaky müdirliginiň Merkezi Aziýa boýunça sebit bölüminiň wekili Aşita Mittal Türkmenistana bolan resmi saparynyň çäklerinde Aşgabatdaky halkara gümrük terminalynyň Port Dolandyryş bölümine we Lebap welaýatyndaky Ymamnazar barlag-goýberiş nokadyndaky serhet hyzmatdaşlygy bölümine baryp görmegi meýilleşdirýär. Bu barada Türkmenistanyň Döwlet gümrük gullugynyň resmi saýty habar berýär.
Sişenbe güni Türkmenistanyň Prezidenti Serdar Berdimuhamedow Abu-Dabide ikitaraplaýyn forumda çykyş edip, BAE bilen ykdysady gatnaşyklaryň derejesine we mümkinçiliklerine ýokary baha berdi.
Türkmenistan we Türkiýe — dünýä jemgyýetçiliginiň hormatyna eýe bolmak bilen, halkara gapma-garşylyklaryny çözmekde parahatçylygyň we adalatyň tarapdary hökmünde iki dogan ýurt bolup çykyş edýärler.
Türkmenistanyň Prezidenti türkmen halkynyň adyndan, Türkmenistanyň hökümetiniň we hut öz adyndan Gazagystanyň Prezidenti Kasym-Jomart Tokaýewi saýlawlarda ýeňiş gazanmagy we Gazagystan Respublikasynyň prezidentligine täzeden saýlanmagy bilen tüýs ýürekden gutlady. Bu barada TDH agentligi habar berýär.
