Özbegistan Owganystana elektrik energiýasy bilen üpjün etmek baradaky ylalaşygy ýene-de bir ýyla uzaltdy. Bu barada Owganystanyň Energetika we suw serişdeleri ministriniň wezipesini ýerine ýetiriji Abdal Latif Mansuryň Daşkende eden iş saparynyň jemleri boýunça belli boldy – diýip, TOLO News habar berýär.
Azerbaýjandan Ýewropa goşmaça gaz ibermegiň taslamasy 3-nji fewralda Günorta gaz geçelgesine gatnaşýan ýurtlaryň energetika ministrleriniň duşuşygynyň çäklerinde hödürlener – diýip, Bolgariýanyň Prezidenti Rumen Radewiň beýan edendigini «Interfaks» habar berýär.
«ABŞ-da inflýasiýa özüniň iň ýokary derejesine baryp ýetdi, ýöne ol bu tapgyryň iň soňky derejesi däl» – diýip 2008-nji ýylyň çökgünligini öňünden aýdan Maýkl Berri beýan etdi we ABŞ-nyň aşak düşmä – ykdysadyýetiň ösüşiniň haýallamagyna duçar bolup biler diýip belledi – diýip, Business Insider habar berýär.
"Bloombergiň" habar bermegine görä, Türkiýe Bolgariýa suwuklandyrylan tebigy gaz terminallaryny elýeter etmek bilen "sebitiň gaz üpjünçilik ýagdaýyny diwersifikasiýa edip biljek Ýewropa gaz bazarynyň bir tarapyndan girdi”.
Wýetnamdan Gazagystana tarap ugur boýunça ilkinji demirýol gatnawy 31-nji dekabrda işe girizildi. Ol Nýaçang şäheriniň demirýol menzilinden Almaty şäherine ugrady, Hytaýyň gündogaryndaky Sianyň gämi menzilinde ol tekerleriniň çalşygyny amala aşyrdy. Soňra otly Hytaý-Ýewropa ekpresi arkaly Gazagystana ugradyldy. Onuň alyp barýan esasy harytlary elektron ulgamyna degişlidir.
Türkiýe dürli ýurtlaryň 15-si bilen gaz paýlaýjy merkeziň taslamasy baradaky meseläni ara alyp maslahatlaşdy, umuman, netijeler oňyn ýagdaýda. Bu barada ýurduň energetika we tebigy serişdeler minstri Fatih Dönmeziň sözlerine salgylanyp, Anadolu agentligi habar berýär.
Russiýa Aziýanyň energiýa bazarlaryna tebigy gazyň iberilişini artdyrmaga taýýarlanýar. Günbataryň bilermenleri Russiýanyň gazynyň esasy sarp edijisi Hytaý bolar diýip çaklaýarlar, sebäbi mawy ýangyjyň eksportynyň artmagynyň 40%-i onuň paýyna düşýär.
Türkmenistanyň Pensiýa gaznasy telekeçilere 2022-nji ýylyň II ýarym ýyly üçin hasaplaşyk döwrüniň başlanandygyny habar berýär.
Penşenbe güni, 29-njy dekabrda Türkmenistanyň döwlet haryt-çig mal biržasyndaky söwdalaşyklarda umumy bahasy $4,8 mln. amerikan dollaryna deň bolan iki sany geleşik baglaşyldy.
“Gazprom” gazyň artykmaç möçberini Hytaýa, GDA ýurtlarynyň käbirine we Türkiýä iberip biler, şeýle-de suwuklandyrylan tebigy gazy (STG) eksport edip, Ýewropa ýurtlaryna ibermek üçin wodorod we ammiak öndürip biler. Bu barada Energetika geçiş boýunça taslama merkeziniň we ESG “Skoltehiň” analitigi Sergeý Kapitonow RIA Nowosti beren teswirinde aýtdy.
2023-nji ýylyň 1-nji ýanwaryndan başlap Türkmenistanyň «Deňiz söwda floty» ÝGPJ «Balkan» gämisini Türkmenbaşy-Baku-Türkmenbaşy ugry boýunça fider konteýner daşamalaryny amala aşyrmagy ýola goýýar.
Russiýanyň Maliýe ministrliginiň baştutany Anton Siluanow beýleki ýurtlardaky söwda hyzmatdaşlary bilen kriptowalýutada özara hasaplaşyklara geçmek mümkinçiligini beýan etdi – diýip, TASS agentligi habar berýär.
Suwuklandyrylan gazy kabul ediji ýüzýän ilkinji terminal Finlýandiýa geldi. Indi ýurduň günortasyndaky Inkoo porty gaýtadan gaz bilen üpjün edýän desga hökmünde ulanylar. Bu toplumy Finlýandiýa Estoniýa bilen bilelikde ABŞ-nyň kompaniýasyndan geljek 10 ýyl üçin kärendesine aldy – diýip, Euronews habar berýär.
Türkmenistan bilen Özbegistanyň arasyndaky haryt dolanyşygynyň oňyn saldosynyň $490 mln amerikan dollaryna deň bolandygyna Özbegistanyň Döwlet statistikasynyň maglumatlary şaýatlyk edýär.
Sişenbe güni, 27-nji dekabrda Türkmenistanyň döwlet haryt-çig mal biržasyndaky söwdalaşyklarda umumy bahasy $1 mln. amerikan dollaryna we 8,9 mln. türkmen manadyna deň bolan 8 geleşik baglaşyldy – diýip, ORIENT-iň habarçysy habar berýär.
