Türkmenistandaky köne nebit ýatagy häzirkizaman enjamyny ulanýar
2023-nji ýylda günbatar Türkmenistandaky «Gumdag»ýatagy özüniň senagat taýdan özleşdirilmeginiň 75-nji ýylynda iň ýokary görkezijilere eýe boldy – diýip, «Nebit we gaz» gazeti ýazýar. Bu önümçilikde öňdebaryjy tehnologiýanyň ulanylmagy sebäpli mümkin boldy.
Häzirki wagtda «Gumdagnebit» nebit we gaz çykaryjy müdirligi tarapyndan gymmatbahaly uglewodorod çig maly gazylyp alynýan guýularyň birnäçesiniň işi gurnalýar. Müdirlikde uçastoklardaky önümçiligiň ýagdaýy baradaky ähli möhüm maglumat ýygnalýar.
Nebit ýatagynyň 300-den gowrak guýusy «gara altyny» gazyp almak üçin stanoklaryň mehaniki usulda ulanylmagynyň esasynda işleýärler. Bulardan başga-da swobirowaniýe, ýagny suwuklygyň derejesini peseltmek, çüwdürim usuly we ežektor usuly ulanylýar.
Öz gezeginde, «Gumdag» nebit ýatagynyň işgärleri meýilnamalaýyn önümçilik görkezijilerini her aýda ýerine ýetirýärler.
«Gumdag» ýatagynda nebitiň ilkinji akymynyň №1 guýuda 1947-nji ýylda alnandygyny bellenmäge mynasypdyr.
ORIENT habarlar
