Sişenbe güni tamamlanan “Çalsana, bagşy!” bäsleşiginiň ýeňijileri bolan iň oňat ýaş bagşy sazandalar Aşgabatda sylaglandylar. Jemleýji tapgyrda 12 adam Prezident Serdar Berdimuhamedowyň adyndan altyn zynjyr bilen sylaglandy.
"Soýuzmultfilm" kinostudiýasy "KB Prodakşn" işläp taýýarlaýjy kompaniýasy bilen "Prostokwaşino: supermarket" atly öwrediji oýny döretdiler. Onda adybir multfilmiň gahrymanlary Fýodor Daýy, Matroskin, Şarik we beýlekiler çagalara matematikany we hasaplamany öwredýär.
Duşanbe şäherinde Merkezi Aziýa ýurtlaryndan medeniýet we sungat ussatlarynyň konserti bolar. Türkmen artistleri - estrada aýdymçylary, sazandalar, tans toparlary, şeýle hem ýaşlar döredijilik toparlarynyň aktýorlary 14-15-nji sentýabrda Täjigistanda Merkezi Aziýa we Döwlet Baştutanlarynyň bäşinji Konsultatiw duşuşygynyň çäginde geçiriljek baýramçylyk maksatnamasyna we Araly halas etmegiň halkara gaznasyny (IFAS) esaslandyryjy ýurtlaryň Baştutanlarynyň duşuşygyna gatnaşarlar.
«Toji Somon» halkara film festiwaly 15-nji oktýabrdan 19-njy oktýabr aralygynda Duşanbe şäherinde geçiriler we Täjik kino gününe bagyşlanar. Kinoforumyň topary bäsleşik maksatnamasyna gatnaşmak üçin Ýewropadan, Aziýadan we GDA ýurtlaryndan filmleri saýlady. Gözden geçirilen we maslahat berilýän filmleriň arasynda Eýrandan, Belarusdan, Wengriýadan, Özbegistandan, Pakistandan, Türkmenistandan, Gazagystandan, Russiýadan, Ermenistandan, Hindistandan we Hytaýdan 25-den gowrak film bar.
Milli eksponatly «ak öýi» görnüşindäki türkmen pawilýony, Rumyniýanyň Konstansa şäherinde şu günler geçirilýän halkara türk- tatar folklor festiwalynda gelim-gidimli ýerleriň biri boldy.
Ýapon suratkeşi Miçio Kominäniň çeken “Türkmenistan” atly eseri Tokio şäherinde geçirilen 55-nji Halkara “Sin-Inten” sergisine gelenlerde uly gyzyklanma döretdi. Bu barada Türkmenistanyň Ýaponiýadaky ilçihanasy habar berýär.
Hytaýda altynjy “Ýüpek ýoly” halkara medeni sergi-ýarmarkasy geçirildi. Gansu welaýatynyň Dunhuan şäher okrugynda syýasatçylardan, halkara guramalaryň ýolbaşçylaryndan, medeniýet ulgamyndaky bilermenlerden, taryhçylardan we alymlardan ybarat 1200 hytaýly we daşary ýurtly myhmanlar ýygnandylar.
Türkmenistanly iki suratkeşiň işleri, Şuşa şäherindäki türki dünýäsiniň nakgaşlarynyň eserleriniň sergisine çykarylar. Sergi 10-21-nji sentýabr aralygynda Azerbaýjanda halkara türki dünýäsiniň nakgaşlarynyň döredijilik duşuşygynyň çeginde geçiriler. Forumyň guramaçysy hökmünde TÜRKSOÝ çykyş edýär diýip, azerbaýjanyň metbugaty habar berýär.
Yslamabatda, beýik türkmen akyldary we Gündogaryň nusgawy şahyry Magtymguly Pyragynyň ömri-döredijiligine we dünýä inmeginiň 300 ýyllygyna bagyşlanan edebi agşam geçirildi. Medeni çäre Türkmenistanyň Pakistan Yslam Respublikasyndaky ilçihanasynyň başlangyjy bilen boldy.
Türkmenistanda beýik filosofyň we milli poeziýanyň klassiginiň 300 ýyllygyna bagyşlanan «Magtymguly Pyragynyň paýhas ummany» atly ýaşlaryň arasynda döredijilik bäsleşigi yglan edildi. Ýaşlar bäsleşigi, Türkmenistanyň Prezidentiniň «Türkmeniň Altyn Asyry» baýragyny almak üçin däp bolan milli bäsleşigiň çäginde geçiriler.
Meşhur wokal talant-şüweleňi “X-faktor” ilkinji gezek Özbegistanda başlaýar. Özbek metbugatynyň berýän habaryna görä, telewideniýede birinji bölüm FTV kanalynda 24-nji sentýabrda görkeziler.
Özbegistan Respublikasynyň Prezidentiniň kömekçisi Saida Mirziýoýewanyň Telegram kanalynda mälim etmegine görä bu sergi ýewropa jemgyýetçilignde uly gyzyklanma döredýär we Özbegistan barada köp zatlary bilmäge şert döredýär. Özbegistan Samarkant şäherinde 2025-nji ýylda ÝUNESKO-nyň ählumumy 43-nji sessiýasyny kabul etmäge taýýar. Eger-de, bu teklip makullansa, sessiýany 40 ýyllap yzygiderli Pariž şäherinde geçirmek däbini üýtgeder we taryhy waka bolar.
Sişenbe güni Parižde Türkmenistan bilen ÝUNESKO-nyň arasyndaky gatnaşyklar we onuň geljegi Türkmenistanyň daşary işler ministri Raşid Meredow bilen BMG-nyň Bilim, ylym we medeniýet meseleleri boýunça guramasynyň Baş direktorynyň orunbasary Szin Sýuýyň duşuşygynda ara alnyp maslahatlaşyldy.
Çykyş edenleriň içinden iň zehinlisini saýlamak eminlere aňsat düşmedi. Gelnen netijelere laýyklykda, 7 sany zehinli çaga bäsleşigiň ýeňijisi diýlip yglan edildi we olara diplomlar hem-de döwlet Baştutanymyzyň adyndan noutbuk-kompýuterleri gowşuryldy.
Festiwalyň 5-nji gününde - Türkmenistanyň gününde geçirilen medeni çäreler göni ýaýlymda "Etimesğut" teleýaýlymynda hem görkezildi.
