Türkmenistanyň Daşary işler ministrliginiň Halkara gatnaşyklary institutynda Gündogaryň beýik akyldar şahyry Magtymguly Pyragynyň döredijiligine bagyşlanan halkara maslahat geçirildi.
Düýn, Türkmenistanyň Döwlet medeniýet merkeziniň Mukamlar köşgünde geçirilen konsertde Brodweýiň sazlary Aşgabadyň aýdym-saz muşdaklaryny gurşap aldy. Bilelikdäki Amerikan-Türkmen konsertinde “Chicago”, “Phantom of the Opera” we “Annie” ýaly mýuzikllardan nusgawy eserler ýaňlandy. Amerikan sungat işgärleri Keýt Bass we Äron Ýaň, Resul Gylyjowyň ýolbaşçylygyndaky Döwlet simfoniki orkestriniň sazandalary, Maýa Kulyýewa adyndaky Türkmen milli konserwatoriýasynyň solistleri, şeýle hem Mary we Lebap ýaşlar horlary sahnada bilelikde çykyş etdiler. Mundan öň bilelikdäki çykyşlar Mary we Türkmenabat şäherlerinde geçirilip, konsertler köp sanly tomaşaçylaryň ünsüni özüne çekdi.
Birleşen Milletler Guramasynyň Bilim, ylym we medeniýet meseleler boýunça guramasynyň (ÝUNESKO) Pariždäki Baş edarasynda TÜRKSOÝ-yň 30 ýyllygyna bagyşlanan gala konserti geçirildi.
Änew şäheriniň 2024-nji ýylda “Türki dünýäniň medeni paýtagty” diýlip yglan edilmegi mynasybetli geçiriljek dabaralaryň we çäreleriň Meýilnamasy tassyklanyldy hem-de degişli guramaçylyk topary döredildi.
Anna güni, 15-nji dekabrda paýtagtyň “Aşgabat” kinoteatrynda Ýaponiýanyň Türkmenistandaky ilçihanasy tarapyndan Ýaponiýanyň gaznasynyň (Japan Foundation) goldawy bilen geçirilýän 7-nji ýapon filmleri festiwalynyň dabaraly açylyşy geçirildi.
12-nji dekabrda – Türkmenistanyň hemişelik Bitaraplygynyň 28 ýyllygynyň baýram edilýän gününde Moskwanyň Milletler öýünde Russiýada ýaşaýan we okaýan türkmenleriň dabaraly duşuşygy geçirildi.
14-15-nji dekabr aralygynda Maryda Türkmenistanyň we Eýranyň amaly-haşam we mozaika sungatynyň sergisi geçirilýär. Sergi welaýatyň Taryhy we ülkäni öwreniş muzeýinde gurnalyp, onuň açylyş dabarasyna Eýranyň ilçihanasynyň we Türkmenistanyň Medeniýet ministrliginiň wekilleri gatnaşdylar. Medeni çärä iki ýurduň halk senetçilik ussatlary, açylyş dabarasynda milli sazlar bilen gatnaşan sazandalar we aýdymçylar gatnaşýarlar.
Türkmenistanyň Beýik Britaniýanyň we Demirgazyk Irlandiýanyň Birleşen Patyşalygyndaky ilçihanasy tarapyndan Türkmenistanyň hemişelik Bitaraplygynyň 28 ýyllygy we Halkara Bitaraplyk güni mynasybetli baýramçylyga hem-de Gündogaryň beýik akyldary, nusgawy şahyry Magtymguly Pyragynyň ömrüne we döredijiligine bagyşlanan edebi agşam geçirildi.
12-nji dekabrda Moskwanyň Milletler öýünde Tükmenistanyň medeniýet günleri geçiriler. Onuň çäklerinde Türkmenistanyň Bitaraplyk güni mynasybetli dabaralara uly orun berler. Bu barada Türkmenistanyň Medeniýet ministrligi habar berýär.
19-njy dekabrda Maýa Kuliýewa adyndaky Türkmen milli konserwatoriýasynyň kiçi mejlisler jaýynda Türkmenistanyň at gazanan artisti Wladimir Mkrtumowyň konserti guralar.
Ýekşenbe güni, 10-njy dekabrda Şuşada Türki dünýäsiniň medeni paýtagtlary bileleşiginiň guramaçylarynyň maslahaty geçirilýär.
11-nji dekabrda Türkmenistanyň Suraşkeşler birleşiginiň sergi zalynda ýurdumyzyň Bitaraplygynyň 28 ýyllygy mynasybetli “Bitaraplyk---bagtyň baky bahary” atly sergi geçiriler.
Russiýa Federasiýasynyň Türkmenistandaky ilçihanasynyň Bilim, ylym we medeniýet bölüminde (Rus öýi) 8-nji dekabrda, sagat 18:30-da “Sergeý Rahmaninow: “Men – rus kompozitory” atly serginiň açylyşy guralar.
ÝUNESKO-nyň maddy däl medeni mirasy goramak boýunça Hökümetara komitetiniň 18-nji mejlisinde, Botswananyň Kasane şäherinde sişenbe güni, 5-nji dekabrda Akhalteke atçylyk sungatyny we atlary bezemek däplerini ÝUNESKO-nyň maddy däl medeni mirasynyň Reprezentatiw sanawynda hasaba almak barada gutarnykly karar berildi.
Reýngold Moritsewiç Glier - Türkmenistanyň hünär kompozisiýa mekdebiniň döremegine uly täsir eden meşhur sazanda, rus we sowet kompozitory, dirižýor, mugallym, saz we jemgyýetçilik işgäridir. Şeýlelik bilen ol 1935-1936-njy ýyllarda Aşgabatda bolup, bu ýerde ýaş sazandalary diňledi. Onuň teklibi boýunça, iň zehinli, geljekki kompozitorlar we sazandalar: Aşyr Kulyýew, Weli Muhadow, Hydyr Allanurow, Annagül Annagulyýewa, Maýa Kulyýewa we başgalar P.I Çaýkowski adyndaky Moskwa döwlet konserwatoriýasynyň türkmen bölüminde okamaga iberildi we hünär bilimini aldy.
